Станиславский тизимига кўра «актёрлик услубига» риоя қилиш керакми ёки бу суратга олиш гуруҳининг ишига халақит берадими, деган турли хил фикрлар мавжуд. Масалан, Мадс Миккелсен персонажларга айланишнинг ушбу усулини танқид қилади. Аммо Энн Хетеуэй бу ижросига ёрдам берадиганларни ҳар томонлама қўллаб-қувватлайди. AdMe нашри актёрлар ва уларнинг ролларга тайёргарликлари борасида улар ўз қаҳрамонларига ўхшаб қолиш истагида қанчалик узоққа боришлари мумкинлигини маълум қилди.
Бенедикт Камбербетч — «Ит қудрати» (2021)
Ушбу фильмни бошлашдан олдин Бенедикт Камбербетч учун характерни тўлиқ ҳис қилиш ва унинг ҳаракатларини тушуниш муҳим эди. Унинг сўзларига кўра, бу тажриба нафақат руҳий, балки жисмонан ҳам қийин бўлган. Актёр қаҳрамоннинг мураккаб руҳиятини тушуниш учун ҳамма нарсага тайёрланди. Суратга олиш жараёнида у «Олинди!» буйруғидан кейин ҳам ролни тарк этмади. Томошабин экранда кўриши мумкин бўлган ҳамма нарсани актёр ўз бошидан кечирган.
Гал Гадот — «Мўъжиза аёл» (2017)
Гал Гадот худди «Мўъжиза аёл» фильмида рол ижро этганидан кейин бир кечада супер юлдузга айланди. Актрисанинг ўзи суратга тушиш қизиқарли бўлганини айтиб ўтди, аммо жуда кўп муаммолар бўлган. Бу, айниқса, жисмоний жиҳатларга тегишли. Актрисанинг сўзларига кўра, совуқда ишлаш суратга олиш ишларининг энг қийин қисми бўлган. Вазият шу қадар кескин эдики, Гадот суратга тушаётган майдонча ўта қаттиқ совитилган. Шунга қарамай, у характерни сақлаб қолишда давом этди ва безовталикни унутиб, режиссёр томонидан қўйилган вазифага эътиборини қаратди.
Гери Олдмен — «Дракула» (1992)
«Дракула» фильмини суратга олиш иштирокчиларидан бирининг хотираларига кўра, Гери Олдмен таниқли вампир образига эҳтиёткорлик билан ёндашган. Ижодий гуруҳ Напага репетиция учун келганида, барча актёрлар ҳудуддаги меҳмонхонага жойлашган. Фильм режиссёри Френсис Копполанинг фикрича, актёрлар қанча вақтини бирга ўтказса, бу экранда шунчалик яхши акс этади. Натижада у барча «вампир овчилари»ни бир уйга тўпланишга мажбур қилди ва бечора Олдмен ёлғиз яшашга мажбур бўлди. Актёр ҳатто ҳар кеча тобутда ухларди, чунки у ўз ишига шунчалик жиддий ёндашарди.
Кейт Уинслет — «Ўқувчи» (2008)
Кейт Уинслет «Ўқувчи» фильмидаги ижроси учун «Оскар»ни қўлга киритди. У мукофотга лойиқ эди, чунки актриса қаҳрамоннинг одатларини шунчалик ўзлаштирдики, у ҳатто уйда ҳам образни тарк этмади. Суратга олиш жараёнида Уинслет немисча талаффуз билан гапирган. Иш кунидан кейин қариндошлари олдига келиб, у худди шундай мулоқот қилишни давом эттирди, бу эса болаларини бироз ҳайратга солган.
Адам Сандлер — «Сайқалланмаган тошлар» (2019)
Сандлер жанг саҳналарида ўз характерига шунчалик сингиб кетганки, режиссёрлар ундан қўрқиб кетган. Дубльдан сўнг актёр уйига ҳақиқий кўкаришлар билан қайтган. Суратга олиш жараёни иштирокчилари унинг гепардга ўхшаганини эслаб қолган: қора доғлар унинг қўлларини бутунлай қоплаганди. Саҳналарнинг бирида Сандлер ҳақиқатан ҳам бўғилиб, ёрдам сўрай бошлаган, аммо ёнидаги актёр уни персонажга тақлид қилмоқда, деб ўйлаган.
Эмма Уотсон — «Элита жамияти» (2013)
«Элита жамияти» фильмидаги рол Эмма Уотсон аввал ўйнаган роллардан фарқ қилади. Қаҳрамон сифатида ишонтириш учун унга тайёргарлик кўришга вақт керак бўлди. Актриса Кардашьян оиласи ҳақидаги шоуни томоша қилди ва Перис Хилтонга тақлид қилди.
Шунингдек, фильм режиссёри София Коппола актёрлар персонажларнинг умумий руҳини ҳис қилишларини, бир-бирига яқинлашишларини истади. Шунинг учун у уларга бировнинг уйига кириб, у ердан бир нечта нарсаларни ўғирлашни таклиф қилди. Улар эса буни бажарди. Уйнинг эгаси Копполанинг дўсти бўлиб чиқди ва у «ўғирлик» ҳақида олдиндан огоҳлантирилган эди.
Том Ҳолланд — «Анчартед: Харитада йўқ маскан» (2022)
Ҳолланд ушбу фильмдаги роли учун жуда қаттиқ машқ қилишига тўғри келди. Унинг сўзларига кўра, суратга олиш ишлари жуда чарчатган. Агар «Ўргимчак одам»да сакрашли саҳналарда компьютер графикасидан фойдаланиш мумкин бўлса, унда бу ҳолда акробатик элементларни мустақил равишда бажариш учун жуда кўп тер тўкиш керак эди.
Жаред Лето — «Морбиус» (2022)
Янги фильмда Жаред Лето доктор Майкл Морбиус ролини ижро этди. Ноёб қон касаллиги туфайли дунёга машҳур биокимёгар қаҳрамон юриш пайтида таёққа суяниб туради. Жаред ҳам ҳатто танаффус пайтидаям актёрлик услубига риоя қилишга ҳаракат қилди ва таёқчада ҳожатхонага борди. Бу суратга олиш жараёнини бироз секинлаштирди.
Никки Рид — «Сумерки» (2008)
Бейсбол ўйини саҳнасини ҳақли равишда «Сумерки» достонидаги рамзий дақиқалардан бири деб аташ мумкин. Розали Хейл ролини ижро этган Никки Риднинг сўзларига кўра, саҳна «хореографик рақс»га ўхшарди. Тайёргарлик доирасида актёрлар мушукларнинг ҳаракатлари ва одатларини ўрганадиган дарс олди. Хореографиядан ташқари, улар экранда ўзларининг ҳақиқий спорт қобилиятларини намойиш қилишлари учун бейсбол машғулотларига ҳам қатнашди.
Сем Уортингтон — «Аватар» (2009)
Фильмга суратга тушишдан олдин Жеймс Кемероннинг «Аватар» фильмидаги эркак бош рол ижрочиси Сем Уортингтон бутун гуруҳ билан Гавайига саёҳат қилди. Унинг мақсади табиатни ўрганиш эди.
Гавайида бўлганида Сем нафақат характерга эга бўлди, балки у нави халқи каби яшашни ҳам ўрганди. Бир куни актёр ўзи билан камон ва ўқларни олиб, сайрга чиқди. Сўқмоқдаги бурилиш орқасидан чиққач, тўсатдан бир йигитга дуч келди. Сем инстинктив равишда камондан ўқ узди. Лекин ҳаммаси яхши якунланди.
Эндрю Гарфилд — «Сукунат» (2016)
Эндрю Гарфилд актёрлик услубининг тарафдори ва унга қарши бўлган актёрлар ушбу услубнинг асл маъносини тушунмайди, деб ҳисоблайди. Унинг сўзларига кўра, қабиҳ ролига тўлиқ шўнғиш учун ўзини ёмон тутиши шарт эмас.
Актёр қандай қилиб эҳтиёткорлик билан характерга киришни яхши билади. Гарфилд Мартин Скорсезенинг «Сукунат» фильмида руҳоний ролини ижро этган. Тайёргарлик давомида у нафақат руҳий амалиётларни ўрганди, балки турмуш қурмасликка қасамёд қилди ва 6 ой давомида оч юрди.
Изоҳ (0)