Лионель Месси Чемпионлар Лигасида бир йўла икки рекордни янгилади.
«ПСЖ» ҳужумчиси мусобақа гуруҳ босқичининг 2-тури доирасида «Маккаби»га қарши кечган ўйинда (3:1) рақиб дарвозасига тўп киритишга муваффақ бўлди.
Бу билан футболчи ЕЧЛдаги 18-мавсумида гол уришга муваффақ бўлди. Ўз навбатида бу турнир рекорди ҳисобланади.
Ушбу рекордни такрорлаш имконияти бу мавсум мусобақада умуман гол урмаган Карим Бенземада мавжуд. Франциялик футболчи 17 мавсумдан буён ушбу нуфузли турнирда тўп киритиб келаётган бўлса, мусобақанинг ушбу мавсумини ўтказиб юбораётган Криштиану Роналду ва фаолиятини якунлаган Райан Гиггс 16 та мавсумда тўп киритишга эришган.
Ундан ташқари ЕЧЛ доирасида Лионель Месси дарвозасини ишғол қилган клублар сони 39 тага етди. Бу борада у португалиялик футболчи Криштиану Роналдуни (38) ортда қолдириб, рекорд ўрнатди.
Мавзуга доир: Килиан Мбаппе француз футболчилари орасида ЕЧЛ рекордини ўрнатди
Изоҳ (0)