Lionel Messi Chempionlar Ligasida bir yo‘la ikki rekordni yangiladi.
“PSJ” hujumchisi musobaqa guruh bosqichining 2-turi doirasida “Makkabi”ga qarshi kechgan o‘yinda (3:1) raqib darvozasiga to‘p kiritishga muvaffaq bo‘ldi.
Bu bilan futbolchi YCHLdagi 18-mavsumida gol urishga muvaffaq bo‘ldi. O‘z navbatida bu turnir rekordi hisoblanadi.
Ushbu rekordni takrorlash imkoniyati bu mavsum musobaqada umuman gol urmagan Karim Benzemada mavjud. Fransiyalik futbolchi 17 mavsumdan buyon ushbu nufuzli turnirda to‘p kiritib kelayotgan bo‘lsa, musobaqaning ushbu mavsumini o‘tkazib yuborayotgan Krishtianu Ronaldu va faoliyatini yakunlagan Rayan Giggs 16 ta mavsumda to‘p kiritishga erishgan.
Undan tashqari YCHL doirasida Lionel Messi darvozasini ishg‘ol qilgan klublar soni 39 taga yetdi. Bu borada u portugaliyalik futbolchi Krishtianu Ronalduni (38) ortda qoldirib, rekord o‘rnatdi.
Mavzuga doir: Kilian Mbappe fransuz futbolchilari orasida YCHL rekordini o‘rnatdi
Izoh (0)