Gollivud yulduzlari ham oddiy odamlar kabi beparvolikka yo‘l qo‘yadi. Shuning uchun gips, shina va hassa bilan harakatlanish ko‘plab mashhurlarga tanish. Harper’s Bazaar Kazakhstan nashrining bugungi qahramonlari nafaqat suratga olish maydonchasida, balki uyi va dam olish maskanlarida jarohat olgan yulduzlardir.
Lana Del Rey
Rojdestvo arafasida Lana Del Rey konkida uchayotganda yiqildi va natijada qo‘li sindi. Yaxshiyamki, jarohat unchalik jiddiy emasdi. Shuning uchun ikki hafta o‘tgach, xonanda gipsni olib tashlashga muvaffaq bo‘ldi.
Pink
2020-yil oxirida Pink salomatligi bilan bog‘liq muammolarga duch keldi. Yulduz koronavirus bilan kasallandi, qolaversa, shisha sinig‘i tufayli tikilgan jarohat muvaffaqiyatsiz o‘tgan, natijada stafilokokk infeksiyasini yuqtirib olgan. Ushbu muammolarning avj nuqtasida qo‘shiqchi to‘pig‘ini ham sindirib oldi. Bunga uning zinadan juda tez va ehtiyotsizlik bilan tushgani sabab bo‘ldi.
Kelli Klarkson
Ishga bo‘lgan haddan tashqari ortiqcha ishtiyoq Klarksonga yoqmadi. Kelli mualliflik ko‘rsatuvini suratga olishga shunchalik shoshilgan vaqtda tasodifan oyog‘ini qayirib oldi. Natijada ishidan bir muddat tanaffus qilishiga to‘g‘ri keldi.
Genri Kavill
Ekrandagi super qahramonlar ham jismoniy jarohatlardan himoyalanmagan. “Jodugar” filmini suratga olish paytida Kavillning oyog‘i jarohatlangan. Suratga olish maydonchasidagi jarohat balandlikda tryuk bajarish chog‘ida yuz bergan.
Kelli Osborn
Kelli Osborn hamma kabi shikastlanmadi. Qo‘shiqchi aynan vizajist huzurida o‘tirganida ko‘zidan jarohat oldi. U faqat o‘zini aybdor deb bildi. Chunki vizajist Kellidan to‘satdan harakatlanmasligini iltimos qilgan. Ammo yulduz, aftidan, o‘z omadini sinab ko‘rishga qaror qilgan ko‘rinadi. Ko‘rinib turganidek, natija kutilganidek bo‘lmadi.
Dueyn Jonson
Jonson ham sport zalida jarohat oldi. U mushaklarni sport zanjirlari bilan qizdirishga qaror qildi, ammo, aftidan, harakatlari biroz me’yordan oshib ketgan ko‘rinadi. Chunki zanjirlardan biri aktyorning qoshini kesib o‘tdi.
Rianna
Rihanna elektr skuter minish paytida jismoniy zarar ko‘rdi. Qo‘shiqchi boshqaruvni yo‘qotib, ag‘darilgan. Natijada, yuzining terisi qattiq shikastlangan.
Xolzi
Boshqa yulduzlarning shikastlanishini Xolzining jarohatlari bilan solishtirganda, oddiydek ko‘rinadi. Bir kuni xonanda uy yumushlarini bajarishga qaror qildi. Biroq tozalash jarayonida qo‘shiqchi idish yuvish mashinasining ochiq eshigiga qoqilib, to‘pig‘ini shikastlab oldi. U og‘riqdan sakrab tushayotgan vaqtda sog‘lom oyog‘ining ham ikki barmog‘ini sindirib oldi.
Syuzan Sarandon
Bechora Syuzan to‘satdan yiqilishi natijasida jiddiy jarohat oldi. Shifokorlar aktrisaning miyasi chayqalgan, peshonasida gematoma va tizzasi ko‘kargan degan xulosaga keldi.
Kevin Xart
Aktyor aslida dahshatli avtohalokatdan keyin omon qolgani uchun o‘zini omadli deb biladi. U o‘tirgan yo‘lovchi mashinasi chuqurga tushib ketgan. Xart bel jarohati bilan kasalxonaga yotqizildi va shoshilinch jarrohlik amaliyotini boshdan kechirdi.
Kristen Styuart
“Oskar-2013” mukofotining taqdirlash arafasida Kristen oyog‘ini jarohatlab oldi, shundan so‘ng uning marosimga tashrifi katta savolga aylandi. Ammo aktrisa qizil gilamda kechki libos va qo‘ltiq tayoqchada ko‘rinish berdi.
Ledi Gaga
Ledi Gaganing jarohat olish borasida tajribasi ko‘proq. U baland poshnali tufli kiygani uchun jarrohlik amaliyotiga muhtoj bo‘ldi. Ammo ijodini to‘xtatmaslik uchun reabilitatsiya paytida harakatlanish maqsadida Louis Vuitton logotipli nogironlar aravachasiga buyurtma berdi.
Demi Lovato
Demi Lovato o‘z uyida jarohat oldi. Uning uyidagi parket juda yaxshi ishlangani natijada xonanda sirpanib, oyog‘ini sindirib oldi.
Mayli Sayrus
Xonanda uyida shunchaki blenderdan foydalanishda jarohat oldi va hatto qo‘lini tiktirishiga to‘g‘ri keldi.
Bred Pitt
Bred Pitt tizzasini qizi bilan qishki sayr paytida jarohatlab olgan. Chanada qizini uchirib yurgan vaqtda Pitt yiqilmaslikning iloji yo‘qligini tushundi va qiziga shikast yetmasligi uchun o‘zini xatarga tutib berdi.
Xolli Berri
Xolli Berri butun umri davomida “Bulutli Atlas” loyihasida suratga tushganini eslab qoladi. Shon-shuhrat va katta gonorardan tashqari, aktrisa oyog‘ini ham sindirib olgandi.
Riz Uizerspun
Riz ertalab yugurish paytida mashina urib ketganidan keyin juda ko‘p stressni boshdan kechirdi. Chunki jarohat uning tashqi ko‘rinishga ham putur yetkazgandi.
Devid Bekhem
Futbol yulduzi Milan — Verona o‘yini vaqtida tovonini jarohatladi. Bekhemning so‘zlariga ko‘ra, og‘riq chidab bo‘lmas darajada bo‘lgan.
Izoh (0)