Қиролича Елизавета II нинг 96 ёшгача жисмонан ва руҳий жиҳатдан тетик бўлиб юришига ёрдам берган кундалик одатлари рўйхати тузилди, деб хабар бермоқда Daily Mail.
Қайд этилишича, қиролича ҳар куни ўзининг севимли корги итлари билан икки марта сайр қилган, шифокорларнинг тақиқларига қарамай, у тўқсон ёшгача от миниб, соатлаб китоб ўқиган. Бундан ташқари, қиролича севимли машғулотларидан бири кийик овлаш билан ҳам шуғулланган.
Қизиғи шундаки, Елизавета II ҳеч қачон ортиқча вазнга эга бўлмаган. У ҳар куни бир хил нарсани истеъмол қилган. Қиролича ҳар бир кунини Эрл Грэй чойи ва бир порция печенье билан бошлаган. Кейин эса Букингем саройидаги шахсий ошхонасида сули ёрмаси, йогурт, сендвич ва мармелад билан нонушта қилган. Қиролича баъзан нонушта учун дудланган балиқ истеъмол қилган, маълум бўлишича, уруш йилларида балиқ консервасини сақлаб қолиш осон бўлган ва дудланган балиқ унинг севимли маҳсулотига айланган.
Қиролича одатларига қатъий амал қиладиган инсон бўлган. Қироличанинг 2020 йилдаги кун тартибини ёзган Брайан Козловскийнинг сўзларига кўра, Елизавета II нинг куни шундай ўтганини маълум қилган:
- Қиролича эрталаб соат 7:30 да уйғонган.
- Бир пиёла Эрл Грэй чойини ичган.
- Нонуштадан олдин ҳаммом қабул қилган.
- Нонушта қилаётганда бир нечта газеталарни кўздан кечирган ёки радио тинглаган.
- Қизил қутиларини кўздан кечирган ҳамда учрашувларини тайинлаган.
- Тушдан кейин сарой ташқарисидаги жойларга ташриф буюрган ва тушлик қилиш учун қайтиб келган.
- Кўпроқ парламент ҳисоботларини ўқиган.
- Коктейлли қабул, оммавий кечки овқат ёки стол ўйинлари, телевизор томоша қилиш билан шуғулланган.
- Кундалиги ва китоби билан соат 23:00 да ётоқхонага кирган.
Мавзуга доир:
- Букингем саройининг асаларилари ҳам қиролича Елизавета II нинг ўлимидан хабардор қилинган.
- Қиролича Елизавета II нинг 84 миллион долларлик энг қиммат маржони қандай кўринишга эга?
- Дунёдаги миллионлаб инсонларнинг қалбини забт эта олган қиролича Елизавета II қандай инсон эди? (фото).
- Нима учун Елизавета II ўз ўлимига ёшлигидан тайёргарлик кўра бошлаган?
Изоҳ (0)