Украина бош вазири Ирина Верешчук озод этилган ҳудудларда бу ерга Россия дастури бўйича дарс бериш учун келган россиялик ўқитувчилар қўлга олингани, энди улар суд қилиниши ва уруш урф-одатларини бузгани учун 12 йилгача қамалиши мумкинлигини айтди. Ижтимоий тармоқларда Қримдаги тўйлардан бирида меҳмонлар «Червона Калина» қўшиғини куйлагани акс этган видео тарқалгач, яриморол раҳбари Сергей Аксенов «миллатчилик мадҳияларни куйлаганлар»га жиноий иш очиш билан таҳдид қилди.
Белгород вилоятида чегара пункти ўққа тутилди. Украина қўшинлари Россия армияси қолдирган қишлоқларга киришда давом этмоқда – Харьков вилоятининг Зализничное қишлоғида тинч аҳоли вакилларидан тўрт кишининг жасади топилган, уларда қийноқ излари аниқланган. Москва ва Санкт-Петербургнинг 18 та округидан муниципал депутатлар Россия президенти Владимир Путиннинг истеъфосини талаб қилиб, оммавий баёнотни имзолади.
Meduza урушнинг 201-кунидан асосий кадрлар билан бўлишди.
Харьковнинг ўққа тутилиши оқибатлари
Электр узатиш линиялари фонида кўтарилган тутун. Россия армияси Харьков вилоятидан чекинганидан сўнг, Харьков ҳар куни ўққа тутилмоқда. 12 сентябрь, душанба куни шаҳар яна электр ва сувсиз қолди.Фото: Anadolu
Электр узатиш линиясида синган устун ва узилган симлар. Россия муҳим инфратузилма объектларига зарба беришда давом этмоқда.Фото: Reuters
Ўт ўчирувчилар Россия зарбасидан кейин полиция биносида юзага келган ёнғинни ўчирмоқда.Фото: AP Photo
Россиянинг ўққа тутишларидан кейин шаҳардаги кўчалардан бирида ётган жасад.Фото: Reuters
Маҳаллий аҳоли вакиллари Россия зарбасидан вайрон бўлган бинодан бутун қолган буюмларини олиб чиқмоқда. Украина Бош штаби маълумотларига кўра, кун давомида россиялик ҳарбийлар Украина ҳудудидаги ҳарбий ва фуқаролик объектлари бўйлаб иккита ракета ва 25 авиация зарбаси йўллаган, баравар ўт очиш реактив тизимидан 11 та снаряд учирилган.Фото: AFP
Харьков вилоятининг Украина армияси томонидан озод қилинган ҳудудлари
Украиналик ҳарбий снаряд тушиб яксон бўлган автомобиль фонида. Украина президенти Владимир Зеленский сентябрь ойи бошидан буён украин армияси мамлакат шарқи ва жанубида 6 минг квадрат километр ҳудудни озод қилганини маълум қилди.Фото: AP Photo
Украинанинг ўзиюрар артиллерия қурилмаси Харьков вилояти йўлида.Фото: AP Photo
Украиналик аскар яқинда Украина армияси томонидан озод қилинган Харьков вилоятидаги йўллардан бирида ярадор сафдошини етаклаб кетмоқда. Уларнинг олдида Украина ҳарбий техникалари ҳамда ёзуви ўчиб кетган совет стеласини кўриш мумкин.Фото: AP Photo
Харьков вилояти, Уди қишлоғидаги турар жой биноси ҳовлисида рус аскарлари томонидан қолдирилган мина.Фото: Украина Миллий полицияси матбуот хизмати
Изюм шаҳри чеккасидаги ҳовлида Россия армияси қолдириб кетган зирҳли транспорт воситаси.Фото: AFP
Белгородда украиналик қочқинлар учун ташкил этилган вақтинчалик яшаш пункти. Харьков вилоятидан келган 500 га яқин одам 45 та чодирда яшамоқда.Фото: «ТАСС»
Кекса аёлга ёрдам бераётган кўнгилли.Фото: «ТАСС»
Краматорскка зарба оқибатлари
Россияликлар зарбасидан кейин ҳосил бўлган йирик ўрани томоша қилаётган аёл, унинг ортида ярим вайронага айланган уй. «Краматорск авиация ва ракеталар билан ўққа тутилмоқда, кечанинг ўзида олтита ракета учиб келди», — деди 12 сентябрь куни шаҳар мери Александр Гончаренко.Фото: AFP
Изоҳ (0)