Ижтимоий тармоқларда бош вазир Абдулла Ариповнинг сентябрь ойи учун пенсия ва нафақаларни муддатидан олдин тўлаб бериш юзасидан топшириғи ижроси муҳокамаларга сабаб бўлмоқда. Пенсия жамғармаси ҳолатга муносабат билдирди.
Қайд этилишича, Вазирлар Маҳкамасининг тегишли топшириғига асосан пенсия ва нафақа олувчиларга Мустақиллик байрами олди кўтаринки кайфият улашиш мақсадида муддатидан аввал маблағларни пластик карталарга юклаб бериш топширилган.
Мазкур топшириқ ижроси бўйича етарли маблағлар 2022 йил 1 сентябрга қадар тижорат банкларнинг ҳисоб варақларига молиялаштириб берилган.
Жамғарманинг туман (шаҳар) бўлимлари томонидан жорий йил сентябрь учун 4,2 миллион нафар фуқароларга пенсия ва нафақа тўлови қайдномалари 30 августга қадар тўлиқ шакллантириб, ахборот тизимлари орқали АТ «Халқ банки» ва тегишли тижорат банкларига етказилган.
Жорий йилнинг 2 сентябрь ҳолатига пенсия ва нафақа тўлови учун жами талаб этилган 4 миллиард 298,6 миллион сўм маблағдан 3 миллиард 881,2 миллион сўм (ёки 90 фоиз) молиялаштириб берилган.
Жумладан, нақд пулда олувчилар учун 1 миллиард 831,9 миллион сўм (ёки ойлик талабнинг 81 фоизи) АТ «Халқ банки»га ҳамда банк пластик карталари орқали олувчиларга тўлиқ миқдорда 2 миллиард 49,3 миллион сўм (ёки 100 фоиз) тижорат банкларига молиялаштирилиб пенсия ва нафақа олувчиларнинг банк пластик карталарига тўлиқ юклаб берилган.
«Шунингдек, президентнинг тегишли фармонига асосан Мустақиллик байрамида кетма-кет 4 кун дам олиш белгилангани муносабати билан АТ «Халқ банки» томонидан сентябрь ойида нақд пулда пенсия ва нафақа олувчилар учун тўловлар жорий йилнинг 5 сентябрь санасидан амалга оширилишини маълум қиламиз», — дейилади хабарда.
Изоҳ (0)