Ўзбекистонда кредит олиш бўйича келиб тушган аризаларнинг 57 фоизи қайтарилгани маълум қилинди

Кредит олиш бўйича 595 мингта аризанинг 302 мингдан ортиғи қайтарилган. Бу ҳақда АОКАда ўтказилган брифингда Марказий банк департамент масъул ходими Феруз Эрматов маълум қилди.

Унинг қайд этилишича, бугунги кунда аҳоли ва тадбиркорлик субъектларидан кредит олиш мақсадида келиб тушган 595 мингдан ортиқ ёки 18,1 триллион сўм миқдоридаги аризалар ҳоким ёрдамчилари томонидан ўрганиб чиқилиб, аризаларнинг 57 фоизи, яъни 302 мингдан ортиғи ёки 10,4 триллион сўмлик қисми қайтарилган.

Ушбу аризалар дастлабки мониторингда фаолият тури бўйича шарт-шароитлари ва имконияти етарли эмаслиги, зарур кўникмага эга бўлмагани каби сабаблар билан платформа орқали асослантирилган ҳолда қайтарилган.

Таққослаш учун, 2021 йил январь—июль ойларида аҳолидан келиб тушган аризаларнинг атиги 19 фоизи сектор раҳбарлари ва МФЙ раислари томонидан рад этилган.