Яқинда Женнифер Лопес ва Бен Аффлек дўстлари ва оила аъзолари даврасида турмуш қурди. The Voice Mag нашри юлдузли жуфтликнинг никоҳ оқшоми учун қанча пул сарфлаганини маълум қилди.
Бен Аффлек ва Женнифер Лопес унаштирилганидан бир ой ўтгач, никоҳ оқшомини унутилмас байрам тарзида нишонлашга қарор қилди. Никоҳ базми Жоржия штатида, куёвнинг уйида бўлиб ўтди. Уч кунлик зиёфат Колин Коуи бошчилигида ажойиб тарзда ташкиллаштирилди.
Ҳамма юлдузли жуфтликдан дабдабани кутган эди, лекин бундай бўлмади: тўй эр-хотинга 400 минг доллардан сал кўпроққа тушди.
Инсайдерларнинг таъкидлашича, бу дресс-код қоидаларига кўра оқ либосда бўлган оила аъзолар ва дўстлар иштирокидаги қизиқарли ва тасодифий зиёфат эди. Лопез буюртмага тикилган Ралф Лаурен либосида кўзни қамаштирди.
Маблағнинг катта қисми хавфсизликни таъминлашга сарфланди: ҳар томонда қўриқчилар, турар жойдан уч мил радиусда учмаслик, уй атрофида патруль қайиқлари. Шунингдек, кириш жойида хавфсизлик ходимлари ҳар бир шахснинг тасдиқловчи ҳужжатларни ҳам текширган.
Изоҳ (0)