Аргентина пойтахти Буэнос-Айресда минглаб аҳоли иш ҳақини ошириш ва инфляцияни пасайтириш талаби билан кўчага чиқди, деб ёзмоқда Reuters.
Намойишчилар Каса Росада президент саройи ва Конгресс биноси томон йўл олган, пойтахтнинг асосий хиёбонлари бўйлаб ҳаракатланган. Улар касаба уюшмалари байроқларини кўтариб, ноғоралар чалган.
Аргентиналиклар ҳукуматни иш ҳақини инфляцияга мос равишда оширишга, шунингдек, иқтисодий муаммоларни бартараф этиш учун ижтимоий харажатларни кўпайтиришга чақирди.
«Биз инфляциянинг бундай даражасида давом эта олмаймиз, ҳар кун иш ҳақимизнинг маълум қисмини йўқотяпмиз», — деди CGТ ишчилар касаба уюшмаси раҳбари Пабло Мояно.
Мояно оломон олдида нутқ сўзлаб, президент Альберто Фернандесдан нархларни назорат остига олиш ва 70 фоиз атрофида бўлган йиллик инфляцияга ечим топишни сўради.
Мавзуга доир: Британияда транспорт ходимлари оммавий иш ташлашни бошлади
Изоҳ (0)