Жорий йил 8—9 сентябрь кунлари Тошкент шаҳрида Парламентлараро Иттифоққа аъзо давлатлар парламентлари аёл раҳбарларининг 14-саммити ўтказилади, деб хабар бермоқда Дунё ахборот агентлиги.
Қайд этилишича, бу ҳақдаги келишувга Венада ташкил этилган 13-саммит чоғида эришилган. Олий Мажлис Сенати раиси Танзила Норбоева саммит иштирокчиларига Ўзбекистонда гендер тенглиги соҳасидаги ислоҳотлар тўғрисида сўзлаб берган. Саммитда республикада хотин-қизларнинг сиёсий фаоллигини ошириш борасидаги ишлар алоҳида қайд этилган.
Ўзбекистонда ва умуман минтақада илк бор ташкил этилаётган 14-саммит «Парламентнинг етакчи роли: янада самарали барқарорлик ва фаровонликни таъминлашда хавф-хатарни баҳолаш» мавзусига бағишланади. Саммитдан кўзланган асосий мақсад барқарорлик ва фаровонликни самарали таъминлаш учун гендер тенгликни таъминлаш ҳамда хотин-қизларнинг имкониятларини кенгайтириш бўйича парламентлар учун устувор йўналиш ва харакатларни белгилаб беришдан иборат ҳисобланади.
Саммитда парламентлараро иттифоққа азо мамалакатлар парламентларининг аёл раҳбарлари, депутатлар ва халқаро ташкилотлардан аёл вакиллар иштирок этади.
Саммит доирасида адолат, интеграция ва атроф-муҳит муҳофазаси, хотин-қизларинг репродуктив саломатлик соҳасидаги эҳтиёжлари, пандемиядан кейинги иқтисодиётни тиклаш, хотин-қизларнинг ҳуқуқ ва эркинликларини интернетда ҳимоя қилиш ва тарғиб қилиш сингари масалалар муҳокама қилинади.
Саммит якунида Тошкент декларациясини қабул қилиш режалаштирилган.
Мавзуга доир:
Изоҳ (0)