Ўзбекистонда сўнгги 5 йилда асосий капиталга ўзлаштирилган инвестициялар ҳажми маълум қилинди

Ўзбекистонда 2022 йилнинг январь–июнь ойларида асосий капиталга ўзлаштирилган инвестициялар ҳажми 121,8 триллион сўмни ташкил этди. Бу бўйича Давлат статистика қўмитаси маълумоти эълон қилинди.

Қайд этилишича, бу кўрсаткич 2021 йилнинг мос даври билан солиштирилганда 9,4 фоизга ошган. Ўзбекистонда сўнгги 5 йилда асосий капиталга ўзлаштирилган инвестициялар ҳажми:

• 2017 йилда — 71,2 триллион сўм;
• 2018 йилда — 124,2 триллион сўм;
• 2019 йилда — 195,9 триллион сўм;
• 2020 йилда — 210,2 триллион сўм;
• 2021 йилда — 239,5 триллион сўм.