Фарғона вилояти Марғилон шаҳридаги хом ашё тайёрлаш цехида ёнғин содир бўлди. Ҳолат юзасидан вилоят фавқулодда вазиятлар бошқармаси матбуот хизмати маълумот берди.
Қайд этлишича, 11 август куни соат 22:00 да Марғилон шаҳри ФВБ навбатчилик қисмига «Наврўз» МФЙ кичик саноат зонасида жойлашган фуқаро М.М.га қарашли «Яроқсиз буюмларни қайта ишлаб, суюқ обойга хом ашё тайёрлаш цехи»да ёнғин содир бўлгани бўйича хабар келиб тушган.
Содир бўлган ёнғинга ёнғин-қутқарувчилар 22:33 да етиб бориб, 22:38 да ўраб олиб, 23:10 да ёнғин бутунлай ўчирилган. Ҳодиса оқибатида цехнинг 105 квадрат метр майдонида яроқсиз буюмлар ёнган. Содир бўлган ёнғин сабабли жабрланганлар ва вафот этганлар йўқ. Ҳозирда ёнғиннинг сабаби ва зарари аниқланмоқда.
Изоҳ (0)