Farg‘ona viloyati Marg‘ilon shahridagi xomashyo tayyorlash sexida yong‘in sodir bo‘ldi. Holat yuzasidan viloyat favqulodda vaziyatlar boshqarmasi matbuot xizmati ma’lumot berdi.
Qayd etlishicha, 11-avgust kuni soat 22:00 da Marg‘ilon shahri FVB navbatchilik qismiga “Navro‘z” MFY kichik sanoat zonasida joylashgan fuqaro M.M.ga qarashli “Yaroqsiz buyumlarni qayta ishlab, suyuq oboyga xomashyo tayyorlash sexi”da yong‘in sodir bo‘lgani bo‘yicha xabar kelib tushgan.
Sodir bo‘lgan yong‘inga yong‘in-qutqaruvchilar 22:33 da yetib borib, 22:38 da o‘rab olib, 23:10 da yong‘in butunlay o‘chirilgan. Hodisa oqibatida sexning 105 kvadrat metr maydonida yaroqsiz buyumlar yongan. Sodir bo‘lgan yong‘in sababli jabrlanganlar va vafot etganlar yo‘q. Hozirda yong‘inning sababi va zarari aniqlanmoqda.
Izoh (0)