Италиянинг «Рома» футбол клуби 7 август куни «Шахтёр»га қарши ўртоқлик ўйини ўтказди ва 5:0 ҳисобида ғалаба қозонди.
Учрашув танаффуси вақтида «Рома» 2022/23 йилги мавсум олдидан ўзига хос тақдимот маросимини ўтказди. Унда барча футболчилар номма-ном майдонга чақирилди. Римликларнинг ўзбекистонлик футболчиси Элдор Шомуродов «Олимпико» майдонига Шоҳруҳнинг «Ўзбегим» қўшиғи садолари остида майдонга тушиб келди.
Эслатиб ўтамиз, Шомуродов ушбу ёзги трансфер ойнасида «Рома» сафини тарк этиш арафасида турибди. Аввалроқ футболчини «Болонья» ўз сафига қўшиб олишга яқин экани хабар қилинганди.
Шомуродов 2021 йилнинг ёзги трансфер ойнасида 18 миллион евро эвазига «Женоа»дан «Рома»га ўтганди. У «бўрилар»сафида жами 40 та ўйин ўтказиб, бешта гол ва олтита голли узатма амалга оширди.
Изоҳ (0)