Сирдарё вилоятида 614 млн сўмни ўзлаштирган МЧЖ собиқ раҳбари аниқланди.
Бош прокуратура ҳузуридаги департаментнинг Сирдарё вилояти бошқармаси томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган.
Унда, «С.О.» МЧЖ собиқ раҳбари А.Х. ва собиқ ҳисобчиси И.М.лар ойлик иш ҳақи тарқатилганлиги ҳақидаги ҳужжатларни сохталаштириш орқали МЧЖнинг жами 614 млн сўм маблағини ўзлаштириш йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ҳамда 228-моддаси (ҳужжатларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)