Warner Bros иккинчи чоракни соф зарар билан якунлади

Америка медиа компанияси Warner Bros’нинг медиа бўлими бўлган WarnerMedia ва Discovery компанияларининг қўшилиши натижасида яратилган Discovery иккинчи чоракда соф зарар кўрди. Бу ҳақда «Интерфакс» хабар бермоқда. 

Компаниянинг даромади кутилганидан сезиларли даражада ёмон бўлди.

Ўтган йилнинг шу даврида 672 миллион доллар ёки ҳар бир акция учун 1,01 доллар соф фойда қайд этилган эди. 

Даромад бир йил аввалги 3,1 миллиард доллардан 9,8 миллиард долларга кўтарилди.

Апрель—июнь ойларида компаниянинг соф зарари 3,4 миллиард долларни ёки ҳар бир акция учун 1,5 долларни ташкил этди.

4 август куни компания акцияларининг котировкалари молиявий ҳисобот эълон қилинганидан кейин 11,6 фоизга пасайди. 

Discovery’нинг бозор қиймати сўнгги уч ойда 1,5 фоизга пасайди — 40,55 миллиард долларгача. Nasdaq Composite биржа индекси эса 3,3 фоизга ошди.

Discovery бутун дунё бўйлаб 100 дан ортиқ таниқли ва машҳур брендларни, жумладан HBO, Warner Bros, Discovery, DC Comics, CNN, Cartoon Network, HGTV, Food Network, ТNТ, TBS, Eurosport, TLC, Animal Planet ва бошқаларни бирлаштиради.