Саудия Арабистони июль ойида рекорд даражада нефть экспорт қилди

Июль ойида Саудия Арабистонидан нефть экспорти кунига 7,5 миллион баррелга етди. Бу ҳақда Bloomberg хабар бермоқда. 

Мазкур кўрсаткич 2020 йил апрелидан бери энг юқориси экани айтилмоқда. Қайд этилишича, июнь ойида қироллик суткасига 6,6 миллион баррель экспорт қилган. Шундай қилиб, Саудия Арабистони экспорти 13,6 фоизга ошди.

Июль ойида Саудия Арабистонидан Хитойга нефть етказиб бериш ҳажми ўртача 1,65 миллион баррелга ошди. 

Ҳиндистонга етказиб бериш 2020 йил апрель ойидан бери биринчи марта суткада 1 миллион баррелдан ошди.

Шу билан бирга, дастлабки маълумотларга кўра, АҚШга экспорт июнь ойига нисбатан 11 фоизга — суткалик 371 минг баррелгача, Японияга — 18 фоизга, 903 минг баррелгача камайган.

Аввалроқ Шарқдан Европага нефть етказиб бериш ҳажми 90 фоизга ошган эди.