Iyul oyida Saudiya Arabistonidan neft eksporti kuniga 7,5 million barrelga yetdi. Bu haqda Bloomberg xabar bermoqda.
Mazkur ko‘rsatkich 2020-yil aprelidan beri eng yuqorisi ekani aytilmoqda. Qayd etilishicha, iyun oyida qirollik sutkasiga 6,6 million barrel eksport qilgan. Shunday qilib, Saudiya Arabistoni eksporti 13,6 foizga oshdi.
Iyul oyida Saudiya Arabistonidan Xitoyga neft yetkazib berish hajmi o‘rtacha 1,65 million barrelga oshdi.
Hindistonga yetkazib berish 2020-yil aprel oyidan beri birinchi marta sutkada 1 million barreldan oshdi.
Shu bilan birga, dastlabki ma’lumotlarga ko‘ra, AQSHga eksport iyun oyiga nisbatan 11 foizga — sutkalik 371 ming barrelgacha, Yaponiyaga — 18 foizga, 903 ming barrelgacha kamaygan.
Avvalroq Sharqdan Yevropaga neft yetkazib berish hajmi 90 foizga oshgan edi.
Izoh (0)