Идиш ювиш машинаси учун таблетка, кир ювиш кукуни ва уй шароитида тайёрлаш мумкин бўлган 3 хил табиий тозалаш воситаси 

Кўплаб мутахассислар тижорий ювиш воситаларини соғлиқ учун хавфли деб атамоқда. Лекин экологик тоза ва зарарсиз тозалагичлар шу вақтгача ҳам музлаткич ёки шкафда мавжуд бўлган. «Новий очаг» нашри уй шароитида тайёрлаш мумкин бўлган 5 хил тозалаш воситаси билан таништириб ўтди.

Кир ювиш кукуни

Дўкондан сотиб олинадиган кир ювиш воситаларида аммиак мавжуд бўлиб, у дарёларни ифлослантиради ва экотизимга таҳдид солади. Аммо зарарсиз кукунни уй шароитида ҳам тайёрлаш мумкин: бунинг учун табиий совун, истеъмол содаси, бор кислотаси ва блендер ёки гўшт майдалагич керак бўлади. Совун майда бўлакларга бўлинади, сода (1:2 нисбатда) ва бор (1:1) билан блендер ёрдамида аралаштирилади. Яхшилаб силкитиб, салқин, қоронғи жойда катта идишда сақлаш мумкин.

Идишларни ювиш машинаси учун таблеткалар

Албатта, шиша идишларда чизиқларнинг пайдо бўлиши ёқимсиз ҳолат, ҳамма ҳам уларни янгидек сақланишини хоҳлайди. Афсуски, кўплаб идиш ювиш воситаларида фосфатлар мавжуд бўлиб, улар кейинчалик сув йўлларига тушади. Биринчидан, улар сув экотизимларининг ўсишини рағбатлантиради, бу эса сув ўтларнинг фаол ўсишига олиб келади. Аммо бунинг натижасида сув йўллари ёпилиб қолади ва озиқ-овқат занжирлари бузилади, балиқлар нобуд бўлади. Шунинг учун 17 давлат фосфатли ювиш воситаларини тақиқлаган.

Бу эса хавфсиз ювиш воситасининг рецепти: бир стакан истеъмол содаси, чорак стакан лимон кислотаси ва бир хил миқдордаги йирик туз. Идиш ювиш машинасининг ўртача юки учун бу аралашманинг бир ош қошиғи етарли бўлади.

Универсал тозалагич

Сиркани идишдаги қотиб қолган овқат ва печка устидаги куйган доғни осонликча тозалайди. Сепиладиган идишга ярим стакан сирка, икки ош қошиқ истеъмол содаси, бир неча томчи чой дарахти ёғи ва сув қуйиб аралаштирилади. Сиртга пуркашдан олдин яхшилаб силкитиш лозим.

Нам салфеткалар

Рулон салфеткалар ҳам экологияга жиддий таъсир кўрсатади. Улар зарарли кимёвий моддаларга тўла кераксиз бир марталик чиқиндидир. Бундан ташқари, улар учун кўп пул сарфланади. Пулни тежаш орқали атроф-муҳитни муҳофаза қилиш мумкин. Оддий пахта бир қанча бўлакларга бўлинади. Улар сирка ва чой дарахти ёғи аралашмаси билан намланади, сўнгра қопқоқли идишга жойлаштирилади. Зарур бўлганда нам салфеткалар ўрнида қўллаш мумкин.

Ҳаммом тозалагич

Шунингдек, ушбу тозалагич ошхона ва ошхона анжомлари учун ҳам мўлжалланган. Умуман олганда, универсал. Бир стакан истеъмол содаси ва бир стакан туз аралаштирилади. Унинг ёрдами билан металл, керамика ва бошқа сиртларни тозалаш тавсия этилади.