EA Sports компанияси 2023/24 йилги мавсумдан бошлаб Ла Лиганинг титул ҳомийсига айланади.
Marca нашрининг хабарига кўра, Лига спорт видеоўйинлари ишлаб чиқарувчи компания билан 5 йиллик ҳамкорлик бўйича шартнома имзолайди. Ла Лига ушбу келишувдан йилгига 30 миллион евро даромад қилади.
2020 йил июнь ойида EA Sports Ла Лига билан 10 йилга мўлжалланган ҳамкорлик шартномаси имзолаган эди. Ўшанда испан лигаси ҳамкорликдан ҳар мавсумда 30 миллион евро даромад кўрган. Энди компания чемпионатнинг титул ҳомийсига айлангач, Ла Лиганинг даромади 60 миллион еврога кўтарилади.
Ла Лиганинг аввалги титул ҳомийси Santander испан молиявий-кредит гуруҳи эди. Ушбу ҳамкорликдан Испания чемпионати йилига 17 миллион евро оларди.
Аввалроқ EA Sports ФИФА билан 25 йиллик ҳамкорликни тўхтатганди.
Изоҳ (0)