Ўзбекистон Республикаси Президенти Шавкат Мирзиёев ташаббусива раҳнамолигида давлат ва жамият ҳаётининг барча жабҳаларида, жумладан, иқтисодиёт ва молия соҳаларида кенг кўламли ислоҳотлар амалга оширилмоқда. Бу эса суғурта бозорининг жадал ривожланиши учун қулай шарт-шароитларни яратмоқда.
«Ўзбекинвест» компанияси суғурта соҳасининг ривожланишида фаол иштирок этиб, барқарор ривожланиш динамикасини намоён этди ва бизнес асосий кўрсаткичларининг барқарор ўсишини таъминлади.
2022 йилнинг 1-ярим йиллиги якунларига кўра, «Ўзбекинвест» томонидан 240 миллиард сўм миқдорида ялпи суғурта мукофотлари йиғилиши таъминланиб, 2021 йилнинг шу даврига нисбатан суғурта мукофоти ўсиши 168 фоизни ташкил этди.
Товар ва хизматлар миллий экспортчиларига 1,1 миллиард АҚШ доллари миқдорида суғурта ҳимояси тақдим этилди, бу эса мамлакатимизнинг хом ашё бўлмаган экспортининг 29 фоизини ташкил этди.
2022 йилнинг 1-ярим йиллигида халқаро суғурта ва қайта суғурта бозорларида компаниянинг суғурта операцияларини барқарор ва динамик ривожланиши давом этди ҳамда 149,6 миллиард сўм ёки 13,8 миллион АҚШ доллари эквивалентида қайта суғурта мукофотларини ялпи тушуми таъминланди, бу эса 2021 йилнинг шу даврига нисбатан 2,5 баробар кўпдир.
Шу билан бирга, компания суғурта портфелидаги суғурта хизматлари экспортининг улуши 62 фоизни ташкил этди. Ушбу йўналишда компания етакчи халқаро трансмиллий суғурта ва қайта суғурта компаниялари, суғурта брокерлари билан ҳамкорлик қилади: Allianz SE (Германия), Zurich Insurance Group (Швейцария), Tokio Marine & Nichido Fire Insurance Co (Япония), АХА (Франция), People Insurance Company of China (Хитой), Korean Reinsurance Company (Корея), Marsh (АҚШ), AON ва UIB (Буюк Британия) ва глобал суғурта бозорининг бошқа асосий ўйинчилари.
Шундай қилиб, сўнгги йилларда «Ўзбекинвест» халқаро суғурта бозорининг фаол, тан олинган ва нуфузли иштирокчисига айланди. Компания томонидан корпоратив сегментда 2021 йилнинг 1-ярим йиллиги якунига нисбатан 136 фоизга ўсиш билан 49,5 миллиард сўм миқдорида суғурта мукофотлари тушуми таъминланиб, юридик шахслар билан 32 мингдан ортиқ шартномалар тузилди.
Жисмоний шахсларни суғурталаш сегментида 26,7 миллиард сўмлик суғурта мукофотлари тушуми таъминланди, 359 мингдан ортиқ шартномалар тузилди. Жорий йилнинг июнь ойи натижаларига кўра, чакана савдо таркибида электрон полисларнинг улуши 45 фоизни ташкил этди.
Бунда компаниянинг 14 та филиал ва 209 та суғурта бўлимидан иборат ривожланган ҳудудий тармоғи муҳим рол ўйнади. Жорий йилнинг 1-ярим йиллигида 33,9 миллиард сўм суғурта товонлари тўланиши таъминланди, шу ўринда миллий экспортёрларга 2,5 миллиард сўм суғурта товонлари тўланди.
Таъкидлаш жоизки, компания ходимларининг меҳнат унумдорлиги сезиларли даражада 183 фоизга ошиб, жорий йилнинг 1-ярим йиллиги якунларига кўра, 1 нафар ходимга 416,5 миллион сўм суғурта мукофотлари тўғри келган бўлса, 2021 йилнинг биринчи ярмида эса бу кўрсаткич 227,2 миллион сўмни ташкил этган.
Шу билан бирга, компаниянинг харажатлари ўтган йилга нисбатан 97 фоизгача қисқартирилди. 2022 йил 21 май куни Ўзбекистон маркетинг ассоциацияси томонидан ташкил этилган «Макон Маркетинг Форум» тўртинчи бизнес форумида «Ўзбекинвест» компанияси «Йил бренди» ҳамда «Суғурта бозори етакчиси» номинациялари билан тақдирланди.
2022 йил март ойида A. M. Best Company (АҚШ) томонидан компаниянинг навбатдаги халқаро кредит рейтинги «Барқарор» прогнози билан «BB» даражасида тасдиқланди, шу билан бирга «Ўзбекинвест» ушбу агентлик рейтингининг ягона эгаси ва республика молия институтлари орасида юқори халқаро рейтинги соҳиби бўлиб қолмоқда.
Шу йилнинг май ойида 14 нафар энг яхши туман бўлимлари бошлиқлари Прагадаги Ғарбий Богемия университетида (Чехия) малака ошириш курсларини тамомлашди. Шунингдек, июль ойида 15 нафар ҳудудий филиал раҳбарлари дунёдаги энг йирик ўнта қайта суғурталовчилардан бири — Korean Resurance Company (Жанубий Корея) компаниясида малака ошириш ва тажриба алмашиш курсларига, Сеул шаҳрига юборилди.
Ўзбекистон Республикаси Президенти Шавкат Мирзиёев томонидан белгилаб берилган вазифаларга мувофиқ, «Ўзбекинвест» суғурта компанияси 2022 йилнинг 2-ярим йиллигида ҳам республика экспорт салоҳиятини ривожлантириш бўйича давлат сиёсатини амалга оширишни давом эттиради ҳамда товарлар, ишлар ва хизматлар миллий экспортчиларини ҳар томонлама қўллаб-қувватлайди.
Шу билан бирга, инвесторлар ва инвестиция лойиҳаларини, жумладан, эркин иқтисодий, кичик саноат ва ихтисослаштирилган зоналар ҳудудларида жойлашган лойиҳаларни суғурталаш бўйича чора-тадбирларни амалга ошириш давом эттирилади.
Республикамизнинг маҳалла ва аҳоли яшаш пунктларида «маҳаллабай» тизими бўйича ишларни тубдан кенгайтириш устувор йўналиш ҳисобланади. Қишлоқ ва шаҳар аҳолисининг кенг қатламларини суғурта ҳимоясини таъминлаш доирасида компания томонидан қишлоқ ва шаҳар аҳолисининг ўртасида фаол тушунтириш ишлари олиб борилмоқда, суғурта маҳсулотлари савдосини ривожлантиришга ёшлар орасидан янги суғурта агентлари жалб этилмоқда.
Компания бизнес жараёнларини рақамлаштиришга тубдан ўтилиши юзасидан ишлар давом эттирилади, масалан, Ўзбекистонда илк бор мижозларга хизмат кўрсатишнинг биометрик ахборот тизими — Face ID’ни жорий этиш, электрон полислар маҳсулотлари қаторини кўпайтириш, шу қаторда корпоратив мижозлар сегменти учун ҳам чакана савдо таркибида электрон полислар (E-polis) улушини 2022 йил охирига қадар 90 фоизга етказиш, суғурта даъволарини тақдим этишнинг интерактив онлайн тизимини ишлаб чиқиш ва ахборот хавфсизлиги инфратузилмасини такомиллаштириш шулар жумласидандир.
Реклама ҳуқуқи асосида.
Изоҳ (0)