O‘zbekistonda qaysi hududlarda eng ko‘p qurilish bo‘layotgani ma’lum qilindi

2022-yilning yanvar—iyun oylarida O‘zbekistond 60,3 trln so‘mlik qurilish ishlari bajarilgan. Bu haqda Davlat statistika qo‘mitasi hisobotidan ma’lum bo‘ldi. 

Joriy yilda sohada o‘sish sur’ati 2021-yilning yanvar—iyun oylariga qaraganda 6,2 foizni tashkil qildi. 

Eng ko‘p qurishlari ishlari Toshkent shahrida amalga oshirilgan — 14,5 trln so‘mlik. Keyingi o‘rinlarni Toshknet viloyati va Samarqand shahri egalladi. Ushbu hududlarda mos ravishda 5,6 trln va 4,1 trln so‘mlik qurilish ishlari bajarilgan. 

Eng kam qurilish Jizzax (1,7 trln) va Sirdaryoda (1,3 trln) amalga oshirilgan. 

Bajarilgan qurilish ishlarining katta qismi yangi bino va inshootlarni qurishga tegishli. Jami qurilish ishlarining 69 foizi yoki 41,6 trln so‘m qurilish ishlari aynan iqtisodiyotda yangi ishlab chiqarish quvvatlari, turar-joy va boshqa ijtimoiy obyektlarni yaratishga qaratilgan.

2022-yil yanvar—iyun oylarida hududlar kesimida yangi qurilish ishlari bo‘yicha yuqori hajm, Toshkent shahri (9,3 trln so‘m), Farg‘ona (2,8 trln so‘m), Samarqand (2,7 trln so‘m) va Buxoro viloyatlarida (2,7 trln so‘m) qayd etildi.