Бугун,

  • USD 11095.31
  • RUB 173.84
  • EUR 10772.44

Май ойида Европа денгиз орқали Россия кўмирини сотиб олишни кескин равишда 4,7 млн тоннагача оширди. Бу ҳақда «Коммерсантъ» хабар берди.

Фото: Bloomberg

Фото: Bloomberg

Польшанинг Россия хом ашёсидан воз кечиши туфайли темир йўл орқали етказиб бериш ҳажми пасайиб кетди.

Дастлабки маълумотларга кўра, Европа Россия ўрнини босадиган бошқа етказиб берувчиларни қидираётгани сабабли июнь ойида импортни жиддий қисқартирган.

Бу, ўз навбатида, Туркия ва Ҳиндистонга экспорт ҳажмини оширади.

Майда Европа Россия энергия манбаларига эмбарго эълон қилинган апрель ойига нисбатан мамлакат кўмирини сотиб олишни 80 фоизга оширди.

Евростатнинг сўнгги маълумотларига кўра, май ойида Европа Иттифоқи 1,1 млрд евро қийматидаги 4,7 млн тонна кўмир олди, апрель ойида бу кўрсаткич 700 млн евро — 2,6 млн тоннага тенг бўлган.

Расмий равишда эмбарго амалдаги шартномаларни бажариш муддати тугаши билан август ойида кучга киради.

Ушбу кўмирнинг деярли ярмини Нидерландия сотиб олган — 2,2 млн тонна, апрель ойига нисбатан тўрт баробар кўп.

Илгари Россия кўмирининг асосий импортчиси бўлган Польша май ойида энг кам ҳажмдаги 19,2 минг тонна кўмир сотиб олиб, импортни 95 фоизга қисқартирди.

Россиядан Европага кўмир етказиб бериш логистикаси ҳам ўзгармоқда. Май ойида темир йўл орқали юк ташиш атиги 54 минг тоннани ташкил этди. Одатда бу кўрсаткич 600-800 минг тоннага тенг бўлар эди.

Аввалроқ энергия инқирози сабаб бутун дунё яна кўмирга қайтаётгани ҳақида хабар берилганди.

Изоҳ
Асосий янгиликлар
Дунё
Ҳиндистонда вояга етмаган қизларга уйланишда айбланиб, 2 мингдан ортиқ эркак ҳибсга олинди
Дунё
АҚШ ҳарбийлари мамлакат осмонида учаётган Хитой шарини уриб туширди. Пекин норозилик билдирди (видео)
Дунё
“Путин менга Зеленскийни ўлдирмасликка ваъда берган” — Исроил собиқ бош вазири Беннет Россия президенти билан суҳбати ҳақида гапириб берди