Бугун,

  • USD 11095.31
  • RUB 173.84
  • EUR 10772.44

Агар Британия ташқи ишлар раҳбари Лиз Трасс бош вазир этиб сайланса, Индонезиядаги G20 саммитида Россия президенти Владимир Путин билан учрашишга тайёр. Бу ҳақда у ITV телеканалидаги дебатда маълум қилди.

Буюк Британия Ташқи ишлар вазирлиги раҳбари Лиз Трасс

Буюк Британия Ташқи ишлар вазирлиги раҳбари Лиз Трасс
Фото: «РИА Новости»

«Бизда Владимир Путинга танбеҳ бераётган эркин дунё овозлари борлиги жуда муҳим, деб ўйлайман. Мен Россия ташқи ишлар вазири Сергей Лавровни тартибга чақиришга тайёр эдим. Путин билан бевосита суҳбатга ҳамда уни Ҳиндистон ва Индонезия каби йирик давлатлар иштирокидаги учрашувга таклиф қилишга тайёрман. Мен у ерга бораман ва у (Путин) билан гаплашаман», — деди Трасс.

Буюк Британиянинг Халқаро савдо бўйича вазир ўринбосари Пенни Мордонт ва Жамоатлар палатаси қўмита раиси Том Тугендхат, Россия Украинада жанг қилаётган бир пайтда Путин билан музокара столига ўтиришдан бош тортган эди. Хотин-қизлар ва тенглик бўйича собиқ вазир ўринбосари Кеми Баденок вақтини беҳуда сарф қилмаслигини айтган. Собиқ молия вазири Риши Сунак эса Россия молия вазирининг иштироки туфайли G20 да қатнашишдан бутунлай бош тортган эди.

Буюк Британия бош вазири Борис Жонсон 7 июль куни истеъфога чиқишини эълон қилди. У бу қарорни ўзи раҳбарлик қиладиган Консерватив партиянинг истаги билан изоҳлади. Жонсон Британия расмийлари Украинанинг озодлик учун курашини қўллаб-қувватлашда давом этишига ваъда берди. Сиёсатчи янги бош вазир сайланмагунча ўз лавозимида қолади.

Айни пайтда Индонезияда G20 давлатлари ташқи ишлар вазирларининг йиғилиши бўлиб ўтди. Мезбон давлат вазири Ретно Марсудининг айтишича, G7 давлатлари Россия ташқи ишлар вазири Сергей Лавровнинг иштироки туфайли ўз вакилларини саломлашув зиёфатига юборишдан бош тортган, деб хабар бермоқда Reuters.

Шу билан бирга, Ғарб давлатлари делегатлари россиялик вазир билан биргаликда суратга тушишдан қочган. Ташкилотчилар эса анъанавий гуруҳ бўлиб суратга тушишни бекор қилган, Ларов ҳеч ким уни суратга тушишга таклиф қилмаганини айтган.

Изоҳ
Асосий янгиликлар
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Иқтисодиёт
Ўзбекистонда январь ойида кимларга энг юқори маош таклиф қилинди?
Маҳаллий
Ўзбекистон ва Афғонистон чегарасидаги нейтрал ҳудудда қамишзор ёқиб юборилди (видео)