Ўзбекистондаги газ қуйиш шохобчаларида 15 июлдан бошлаб метан нархи ошгани ҳақида хабарлар тарқалди. Ҳолатга Энергетика вазирлиги муносабат билдирди.
Вазирлик 14 июлда қабул қилинган ҳукумат қарорига кўра, газ қуйиш шохобчалари учун маҳсулотларни сотиш нархлари ошмаган ва бир хил даражада сақланиб қолганини эслатиб ўтган ва шу муносабат билан автомобилларга газ тўлдириш компрессор шохобча (АГТКШ)ларида автотранспорт воситаларига ёнилғи қуйиш учун ишлатиладиган метан нархини оширишнинг объектив сабаблари йўқлигини билдирган.
«Энергетика вазирлиги ва бошқа давлат ташкилотлари АГТКШларнинг нарх сиёсатига таъсир кўрсатиш имкониятига эга эмас, чунки АГТКШлар бозор шароитида фаолият юритади ва талаб ва таклифга қараб нархларни ўзлари шакллантиради», — дейилади вазирлик хабарида.
Изоҳ (0)