Gross суғурта компанияси Ўзбекистонда жисмоний шахсларга, йирик ва ўрта бизнесга, шунингдек, давлат тузилмаларига замонавий суғурта маҳсулотларини таклиф қилувчи йирик суғурта компаниялардан бири бўлиб ҳисобланади. Халқаро капитал бозорлари учун таҳлил ва тадқиқотлар бўйича жаҳонда етакчи бўлган Fitch Ratings рейтинг агентлиги Gross компаниясига «B+» даражасида, «барқарорлик» прогнози билан молиявий барқарорлик рейтингини берди.
Fitch ҳисоботларида Gross суғурта компанияси Ўзбекистонда умумий суғурта соҳасида бошқа суғурта компанияларига нисбатан қулай бизнес профилга эга эканлиги, бу эса бизнес қалтисликларининг мўътадил профили, қулай рақобат ҳолати ва диверсификациялаш билан боғлиқ эканлиги қайд этилган. Ушбу рейтингни ҳисобга олган ҳолда, Fitch кредит омилини баҳолаш бўйича ўз тавсияларига кўра, Gross компаниясининг бизнес профилини «BB-» даражасида баҳолайди. Gross компанияси 2021 йилда 344 миллиард сўм миқдорда ялпи имзоланган мукофотларни (GWP) тўплади. Агентлик ҳисоботига кўра, компания бозорда суғурта мукофотларнинг умумий ҳажмидан 11,5 фоизли юқори улуши билан йирик суғурталовчилардан бири бўлиб ҳисобланади.
Fitch Ratings агентлиги Gross компаниясининг молиявий кўрсаткичлари ва фойдасини яхши деб баҳолайди. Агентлик томонидан ҳисобланган Gross компаниясининг ўз капитали ўртача номинал рентабеллиги (ROE) уч йил ичида 41 фоизни ташкил этган. Gross компаниясининг андеррайтинг натижаси ҳам ижобий баҳоланган. Fitch агентлиги компаниянинг инвестициявий таваккалчилигини рейтингнинг жорий даражасини қўллаб-қувватловчи сифатида кўради. Консолидацияланган инвестиция портфелида қайд этилган даромад билан банк депозитлари кўринишидаги инструментлар устунлик қилади, улар аналогларга нисбатан таққосланганда яхшироқ диверсификацияланган ва асосан «B+» ёки«BB-» рейтинг тоифаларига эга бўлган давлат банклари ҳамда йирик хусусий маҳаллий банкларда жойлаштирилган. Компания жадал равишда қайта суғурталашдан фойдаланади. Ялпи қалтисликлар Ғарбий Европа бозорларида фаолият юритаётган қайта суғурталовчиларга берилмоқда.
Fitch Ratings – Moody’s ва Standard & Poor’s билан бирга «катта учлик»ка кирадиган рейтинг агентлиги. Тарихан Fitch агентлиги 1912 йилдан нашриёт сифатида, 1924 йилдан эса рейтинг агентлиги сифатида фаолият кўрсатади. Компаниянинг мазкур рейтинги мажбуриятларнинг ўз вақтида бажарилишини тасдиқлайди ва ўз фаолиятида Fitch агентлиги берган кредит рейтингига таянадиган потенциал инвесторлар учун ишончлилик даражасини белгилаб беради. Бу Gross компанияси жаҳон суғурта ва қайта суғурталаш бозорларида ўз фаолиятини кенгайтириш имкониятини қўлга киритганлигини англатади. Шунингдек, компанияда Ўзбекистонга назарини қаратаётган профил инвесторларини қўллаб-қувватлаш учун кўпроқ имкониятлар пайдо бўлади.
Gross суғурта компаниясига 2011 йилда асос солинган бўлиб, жўшқин фаолият якунлари, инновациялар ва филиаллар тармоғини ривожлантириш, шунингдек, профессионал жамоа ва мижозлар билан тезкор равишда ишлаш туфайли компания миллий суғурта бозорида етакчилардан бирига айланди. Бугунги кунда Gross компанияси жами мамлакат бўйлаб ўз хизматларини тақдим этмоқда. Gross’да мижозлар учун дам олиш кунларисиз, кун-у тун давомида, 24/7/365 режимида ягона 1166 қисқа рақами орқали ишлайдиган мижозларни қўллаб-қувватлаш хизмати, шунингдек, суғурта полисларини онлайн тарзда расмийлаштириш имконияти назарда тутилган.
Сайт: gross.uz
Facebook: fb.com/grossuz
Instagram: gross.uzb
Telegram: t.me/grossuzb
Telegram-бот: t.me/grossrobot
Реклама ҳуқуқи асосида.
Изоҳ (0)