Ёқимли ифорлар инсоннинг кайфиятини кўтаради, ўзига бўлган ишончини оширади. Қолаверса, бошқаларда унга нисбатан яхши таассурот уйғотишга имкон беради. Шу сабабдан нафақат аёллар, балки эркаклар ҳам атирлардан бирдай фойдаланади.
Парфюмларнинг ҳам кийимлар каби мавсумга мос турлари бор. Масалан, соҳа мутахассислари қишда ўткирроқ, ширинроқ, ёзда эса ўта юмшоқ, майин, цитрус ифорли атирлардан фойдаланишни тавсия этади.
Қуйида ёз учун мўлжалланган энг яхши атирлар ўнталигини тақдим этамиз. Аромамастер Дилшод Ҳожиқурбоновнинг мазкур тавсиялари жазирамада қандай парфюм сотиб олишга иккиланиб турган эркакларга асқатади деб ўйлаймиз.
POLО
Blue Ralph Lauren — эркаклар учун мўлжалланган мазкур парфюм Поло Блуе Карлос Бенаим ва Кристоф Лаудамиэл томонидан яратилган. 2003 йилдан ишлаб чиқарила бошланган. Атир бодринг, қовун ва мандарин, райҳон, замш, ёғочли ноталар ва мушк ифорларини ўзида мужассам этган.
LOUIS VUITTON
Afternoon Swim — цитрус ифорли парфюм бўлиб, парфюмер Жак Кавалер томонидан яратилган. 2019- йилдан сотувга чиқарилган. Атирнинг ўзига хос хусусияти шундаки, ундан нафақат эркаклар, балки аёллар ҳам бирдан фойдаланиши мумкин.
VERSACE MAN
Eau Fraiche Versace — эркаклар учун мўлжалланган машҳур парфюмлардан бири бўлиб, парфюмер Оливиэр Cресп томонидан яратилгaн. 2006 йилдан сотувга қўйилган.Атир лимон, бергамот, кардамон ва бразил атиргул дарахти, садр, эстрагон, мушк, ёғочли ноталар, заъфарон ифорларидан ташкил топган.
BVLGARI
Aqva pour Homme — дунёга машҳур парфюмер Жак Кавалер томонидан денгиз романтикасини хуш кўрувчи эркаклар учун яратилган. Парфюм ўзида мевалар, ёғочли ноталар ва денгиз ўтларини мужассамлаштирган. Бу тетиклантирувчи ифорлар айни иссиқ мавсумга мос келади.
GIORGIO ARMANI
Acqua di Gio Profumo — парфюмер Альберто Мориллас томонидан яратилган ароматик сувли парфюмдир. 2015 йилдан ишлаб чиқарила бошланган.Атир денгиз ноталари, бергамот каби бир неча ифорларни ўзида мужассам этган.
GIORGIO ARMANI
Acqua di Gio парфюми ҳам Giorgio Armani компаниясига тегишли, бир неча машҳур парфюмерлар Альберто Мориллас, Анник Менардо ва Кристиан Дуссулиэр ҳамкорлигида яратилган. 1996 йилдан ишлаб чиқарила бошланган.Атир лимон, бергамот, апельсин, мандарин денгиз ноталари, оқ мушк, садр, эман ифорларидан ташкил топган.
CHANEL
Bleu de Chanel Parfum — эркаклар учун мўлжалланган машҳур атирлардан биридир. У Оливиэр Полге томонидан яратилган, 2018- йилдан сотувга чиқарилган.Парфюм ўзида лимон, бергамот, ялпиз, ананас, садр каби бир қатор хушбўй ифорларни ўзида акс эттиради.
BVLGARI
Le Gemme Empyr — эркаклар учун мўлжалланган ёғочли аччиқ ифорли парфюм бўлиб, Bvlgari брендининг янги аъзоси ҳисобланади. Атир парфюмер Жак Кавалер томонидан яратилган бўлиб, 2021 йилдан бошлаб, атир ихлосмандларига тақдим этилган.Le Gemme Empyr занжабил, сандал дарахтининг энг хушбўй ифорларини мужассам этган.
CREED
Aventus — мевали атирлар гуруҳига мансуб бўлиб, 2010 йилдан ишлаб чиқарила бошланган. Яратувчиси Жан-Кристоф Ҳераулт ва Эрвин Cрид ҳисобланади.Парфюм ўзида ананас, бергамот, қора смородина, олма, ясмин, атиргул, ваниль каби бир қатор хушбўй ифорларни акс эттирган.
CLINIQUE
Happy Clinique — цитрус ифорларни хуш кўрувчи эркаклар учун мўлжалланган атир бўлиб, 1999 йилдан ишлаб чиқарила бошланган. Парфюм ўзида мандарин, апельсин, лимон, мушк, садр каби бир қатор ифорларни мужассамлаштирган.
Изоҳ (0)