Бугун,

  • USD 10940.05
  • RUB 182.26
  • EUR 11121.65

Туркияда охирги олти ой ичида иккинчи марта меҳнатга ҳақ тўлашнинг энг кам миқдори (МҲТЕКМ) оширилди. Бу ҳақда Financial Times хабар бермоқда.

Фото: «Дарё»

Фото: «Дарё»

Энди Туркияда МҲТЕКМ 5500 лирани (тахминан 328 доллар ёки 3,5 миллион сўм) ташкил этади. Таққослаш учун, аввал 4250 лира (тахминан 254 доллар ёки 2,7 миллион сўм) эди.

Расмий даражада миқдор 74 долларга ошган, бироқ йил бошидан буён лира 20 фоизга қадрсизлангани сабабли, асл ўсиш атиги 9 долларни ташкил қилди.

Туркия меҳнатга ҳақ тўлашнинг энг кам миқдорини қийин иқтисодий вазият туфайли оширмоқда, деб тушунтиради Bloomberg. Мамлакатда йиллик инфляция 80 фоизга яқинлашди.

Таққослаш учун, Ўзбекистонда йиллик инфляция 12 фоизни ташкил этади ва бу юқори кўрсаткич саналади.

Кўпчилик экспертлар Туркияга асосий ставкани оширишни тавсия қилади, бироқ мамлакат президенти Ражаб Тоййиб Эрдўғон бунга қарши турибди.

Эрдўған келаси йил бошида инфляция «оқилона даражага» тушишини кутмоқда ва фуқаролардан сабрли бўлишни сўрамоқда.

Аввалроқ Туркиянинг савдо тақчиллиги рекорд даражага етгани ҳақида хабар берилган эди.

Изоҳ
Асосий янгиликлар