2022 йил июнь ойида АҚШдан суюлтирилган газ (LNG) етказиб бериш ҳажми «Газпром» ҳажмидан ошиб кетди. Бу ҳақда Халқаро энергетика агентлиги (IEA) раҳбари Фотиҳ Бирол Twitter’да маълум қилди.
Европа Россиядан келадиган қувур орқали эмас, балки АҚШдан LNG орқали кўпроқ газ импорт қилди. Бу тарихда биринчи марта содир бўлди, — деб ёзди Бирол.
Унинг қўшимча қилишича, бу Россиянинг Европага табиий газ етказиб беришни сўнгги пайтларда кескин қисқартириши натижасида бўлган. Биролнинг фикрича, Европа газга бўлган ички талабни камайтириш ва қишга тайёргарлик кўришга ҳаракат қилиши керак.
Табиий газ топилган жойлар кўпинча электростанциялар, заводлар, нефтни қайта ишлаш корхоналари ва аҳоли турар жойларидан юзлаб ёки минглаб мил узоқда бўлади.
Табиий газни қуруқликда қувурлар орқали нисбатан арзонроқ нархда, бироқ белгиланган нуқталарга олиб ўтиш мумкин.
Сўнгги олти йил давомида газни минус 260 даража Фаренгейтгача (-162 даража Цельсий) музлатиш, яъни суюқ ҳолатга айлантириш бўйича миллиардлаб долларлик саноат барпо қилинди.
LNG музлаткичли кемаларга ортилиб, бутун дунё бўйича етказиб берилади.
Аввалроқ Қатар Европани ўзининг суюлтирилган гази билан таъминлашга тайёрлиги ҳақида хабар берилганди.
Изоҳ (0)