2022 йилнинг беш ойида Ўзбекистон 1,3 миллиард долларлик озиқ-овқат маҳсулотлари импорт қилди. Бу ҳақда «Дарё»га Давлат статистика қўмитаси ҳисоботидан маълум бўлди.
Россиянинг Украинада уруши бошланганидан бери Ўзбекистон озиқ-овқат импортини кескин оширди. Таққослаш учун, ўтган йилнинг шу даврида у 980,5 миллион долларни ташкил қилган эди.
Озиқ-овқат хавфсизлигига таҳдид солмаслик учун импорт учун божхона тўловлари камайтирилди ёки бекор қилинди.
Асосий озиқ-овқат етказиб берувчиси Қозоғистон бўлса, иккинчи ўринда Россия, учинчи эса Бразилия.
Ўзбекистон Бразилиядан асосан хом шакарқамиш, қорамол гўшти ва қаҳва сотиб олади.
Шакарқамиш
Шакарқамиш жаҳон шакар ишлаб чиқаришининг, тахминан, 65 фоизида ишлатилади.
Қанд лавлагидан кўра кўпроқ шакар ишлаб чиқарадиган шакарқамиш кўплаб мамлакатларнинг асосий экспорт маҳсулотларидан биридир.
Энг йирик ишлаб чиқарувчилар Бразилия (734 миллион тонна), Ҳиндистон (342,4 миллион тонна) ва Хитой (115,1 миллион тонна).
Ўзбекистон Украина ва Россия шакарисиз қолгани ҳақида хабар берилган эди. Бу фонда мамлакатда маҳаллий шакар ишлаб чиқариш ортиб бормоқда – Ўзбекистонда иккита завод бор, бироқ улар хом ашёга муҳтож.
Қаҳва
Ўзбекистон қаҳвани деярли ҳар доим Бразилиядан сотиб олган. Жорий йилда ҳажмлар 95,9 фоизга ошиб, 510,8 минг долларни ташкил қилди.
Гўшт
Бразилия дунёдаги энг йирик мол гўшти экспортчиларидан бири, аммо Ўзбекистон ундан гўштини нисбатан яқинда сотиб олишни бошлади.
Масалан, жорий йилда 5,4 миллион долларлик гўшт импорт қилинган бўлса, ўтган йилнинг шу даврида 0 бўлган.
Ҳажмларнинг кескин ошишига қарамай,Ўзбекистонга гўштнинг асосий етказиб берувчиси сифатида Беларусь бўлиб қолмоқда — 44,8 миллион доллар.
Аввалроқ бир давлат Ўзбекистонни деярли барча импорт бананлар билан таъминлаши ҳақида хабар берилган эди.
Изоҳ (0)