«Яқин 10-15 кун тонировка қиладиганларнинг ошиғи олчи бўлади». Ўзбекистонликлар тонировканинг арзонлашиши ва текин бўлишига қандай муносабат билдирди?

Президентнинг «Автотранспорт воситаларидан фойдаланишда аҳолига қўшимча қулайликлар яратиш чора-тадбирлари тўғрисида»ги қарори билан 1 июлдан бошлаб автомобилнинг орқа ён ойналарини қорайтириш тўловлари бекор қилинади, яъни бепул бўлди. Шунингдек, олд ва орқа ён ойналарни тўлиқ қорайтириш тўловлари 6 баробаргача арзонлаштирилди.

Ўзбекистонликлар тонировканинг арзонлашиши ва текин бўлишига қандай муносабат билдирди? «Дарё» жамоатчилик томонидан айтилган фикрларни бир жойга тўплади.

Telegramдаги «ҲабиCатура» канали муаллифи ушбу мавзу юзасидан карикатура чизди.

«Тонировкалар муборак бўлсин»

Бугундан плекс ва плекс тортадиган усталар каррасига нархни оширадилар.

Кейин яна бир каррасига оширадилар. Қарабсизки Али Хўжа Хўжа Али бўлади.

Тонировкалар муборак бўлсин.

П/С: Мабодо яқин кунларда 13 миллионга тонировка тортганларни бугунги нарх билан хисоблаб ортиқчасини қайтариш таклифини кўриб чиқишмасмикин?

Хуршид Далиев, блогер

«Кондёр бор бўлса тонировкасизам жинам урмайди»

Барибир миллионлаб машиналарни кондиционери йўқ. Бунақа иссиқда тонировкали ойнани ёпиб юрсангам иссиқдан ўласан кондёр йўқ бўлса. Кондёр бор бўлса тонировкасизам жинам урмайди.

Мошинамизга давлат текинга кондиционер ўрнатиб берсин деб чиқишмадими ҳали братлар?

Эеее йўқале деворишса керак)

Тонировка 12 млнлигида 1000 та одам қилдирган бўлса 12 млрд сўм профит. Энди 2.5 млндан 100 мингта одам қилдирса 250 млрд сўм профит.

Нурбек Алимов, блогер

1 июль кунидан бошлаб автосервисларда орқа тонировка ёпиштириш 1 млн, тўлиқ тонировка эса 10 млн…  бўлмаслиги учун бирданига ҳамма тонировка қилишга югуриб бормаса яхши бўларди.

Даврон Файзиев, журналист

«Яқин 10-15 кун тонировка қиладиганларнинг ошиғи олчи бўлади»

Кўчага ҳали ҳеч ким чиқмадими байрам қилгани? Карнай-сурнай, феерверк ва салютлар овози эшитилмаяптими?

Яқин 10-15 кун тонировка қиладиганларнинг ошиғи олчи бўлади. Худди 8 март кунига гулларга талаб бўлганидек, ойнага плёнка тортадиганларнинг кетмони балааааанд учади.

Плёнка олиб кирадиганлар ва сотадиганлар ҳам олигарх бўлиб кетишади. Бозорда плёнка нархи кескин кўтарилиб, уни ёпиштирадиганларнинг хизмат ҳақлари ошиши эҳтимоли бор.

Секииин юраверайлик эҳтиёт бўлиб.

Бобур Акмалов, журналист

«Вой аламжон, жооон алам....»

2-3 кун аввал 10 миллион тўлаб тонировка қилдирган братлар учун бугун бошни ёстиқ тагига тиқиб, чуқур нафас олганча 2 дақиқалик сукут сақлаймиз.

Жиззиллаб ачишаётганини биламан братим...

1 июль бу Халқаро баъзи тонировка ёпиштирувчилар иймонни иштон, виждонни калиш қилиб киядиган кун сифатида юртимизда шопирларнинг қарғиши остида кенг нишонлашини кутилмоқда.

П.С. Нархни оширманглар тонировка ёпиштирувчилар.

Ёпиштириб кетишмасин дейманда...

Отабек Артиков, блогер

«Жарималар лойиҳасининг тақдири нима бўлади?»

Ўзбекистонда автомобиль ойларини рухсатсиз қорайтирганлик учун 25–40 БҲМ (7,5 - 12 миллион сўм) жарима белгиланган. Бу – бошқа хавфлироқ ҳуқуқбузарликлар, масалан қоидани бузиб қарама-қарши ҳаракат бўлагига чиқиб кетганлик учун белгиланган жазодан 2,5 баробарга оғир. Тасаввур қил)

Жарималар кўриб чиқиляпти дейилганди. Бу лойиҳа тақдири нима бўлади? Буни ҳам депутатлармас, президент ҳал қиладими ёки?

Зафарбек Солижонов, блогер

« ‘Тонировка‘ арзонлади ва текин бўлди. Лекин бу кам»

1 июлдан бошлаб машиналарга «тонировка» қилувчиларнинг хизмат ҳаққи ҳам ошса керак, эҳтимол, каррасига. Уларга инсоф, ўзбекистонликларга навбатда туришда сабр тилаган ҳолда «тонировка»нинг арзон ёки текин бўлиши — барча муаммолар ҳал бўлди дегани эмаслигини айтмоқчимиз.

Масалан, Твиттер нега ҳали ҳамон блокда? Ўтган ҳафта бу тармоқнинг блокдан очилиши ҳақида муждалар чиққанди, лекин ҳозиргача бундай бўлмади.

Афтидан карантин қайтаётганга ўхшайди. Президент йиғилишларида амалдорлар маска таққан ҳолда кўриниш беряпти. Лекин бу ҳолат бутун мамлакат бўйлаб жорий қилинадими, йўқми, шу ҳам савол. Мутасаддилар ўтган ҳафта коронавирусга чалинганлар ортаётгани ҳамда ҳозирги ҳолат бўйича чиқиб изоҳ берса бўлади.

Ва албатта йиллар давомида гапириб келинадиган муаммолар бор. Улар ҳам тезроқ ўз ечимини топишидан умидвормиз. Шу кеча-кундузда тезроқ ҳал этилиши, изоҳ берилиши керак бўлган масалалар ҳал бўлсин, тизимли муаммоларни ҳам имкон қадар жадалроқ ҳал қилишга киришиш керак.

«Тонировка» ўзбекистонликлар учун учинчи ёки тўртинчи, таъбир жоиз бўлса — ўнинчи ўриндаги масала бўлиши, ҳозиргидек муҳокамаларга арзимаслиги керак, аслида.

«Сафар» Telegram-канали

«Демак мумкин экан, 15 йиллаб одамларни қийнашдан нима наф эди»

Мантиқни қара.

Аввалига тонировка қилинган машина ичида террористлар юриши мумкин эди, пуллик бўлди, гитара бўлди ким юриши.

Пуллик бўлгач бутун, деярли 25 млн халқ талаб қилди, КабМин ва ИИВ бунга қаттиқ қаршилик қилди, бирор сабабсиз.

Битта Президент бутун халқ иродасидан устун келиб, Конституцияда Президентлик ваколати ноллашиш, яна 15-20 йил қўшилиши арафасида марҳамат қилиб, деярли бепул қилди.

Демак мумкин экан, 15 йиллаб одамларни қийнашдан нима наф эди.

Тешиблар чиқсин баҳона қилиб йиғиб олинган пуллар.

Олимжон Ҳайдаров, блогер

«Тонировка текин бўлиб айрим оч тадбиркорлар ҳаддидан ошмаса бўлди»

Аммо, лекин, бироқ, нафси хакалак отган тадбиркорлар оддий Халқни талашига юз фоиз ишончим бор!

Бундай нафси хакалак отган тадбиркорларга дарҳол қонуний жазони қўллашни тавсия қиламан!

Ўзбекистонда ҳар қандай енгиллик берилгани билан қандайдир йўлларни иҳтиро қилиб Халқни талаш ишлари авжида бўлган ва бундан кейин ҳам бўлади.

Президент имкон яратиб берди! Раҳмат.

Лекин шу берилган имкониятни суистеъмол қилувчи акулалар кўпайиши ачинарли ҳолдир.

Нигора Алимова, блогер