Ўзбекистонда доллар курси беш ой ичида илк бор 10 850 сўмгача тушиб кетди

Ўзбекистондаги бир нечта тижорат банклари 29 июнь, чоршанба куни доллар валютасининг сўмга нисбатан курсини февраль бошидаги минимум кўрсаткичга қадар туширди.

Аксарият банклар 1 АҚШ долларини 10 810 сўмдан сотиб олишни, 10 915 сўмга сотишни таклиф қилмоқда. Тижорат банкларида доллар курси биринчи марта 11 март куни 11 минг сўмдан ошиб кетганди. Марказий банк хорижий валюталарнинг ўзбек сўмига нисбатан 28 июндан амалда бўладиган қийматини белгилаганди. Унга кўра, долларнинг расмий курси 10 823,52  сўмни ташкил қилмоқда.

Қуйида долларнинг янги қийматини эълон қилган айрим банклар келтирилган:

• NBU: сотиб олиш — 10 805 сўм, сотиш — 10 915 сўм;
• «Ҳамкорбанк»: сотиб олиш — 10 860 сўм, сотиш — 10 915 сўм;
• «Даврбанк»: сотиб олиш — 10 810 сўм, сотиш — 10 915 сўм;
• «Туронбанк»: сотиб олиш — 10 805 сўм, сотиш — 10 915 сўм;
• «Тенгебанк»: сотиб олиш — 10 805 сўм, сотиш — 10 910 сўм;
• «Капиталбанк»: сотиб олиш — 10 840 сўм, сотиш — 10 910 сўм.

Доллар курси март ойида кескин кўтарилиб кетганди — ўшанда 10—17 март кунлари давомида ҳар куни рекорд кўрсаткичлар қайд этилганди. Жумладан, 14 март куни банклар доллар курсини 50 сўмга кўтарган бўлса, 18 мартда бирданига 240 сўмга ошиб кетганди.