Россия президенти ёрдамчиси Юрий Ушаков Россия президенти Владимир Путин Индонезиянинг ноябрь ойида мамлакатда бўлиб ўтадиган G20 саммитида иштирок этиш ҳақидаги таклифини қабул қилганини айтди. Ушаков Россия президентининг тадбирда қандай форматда иштирок этишини ҳозирча билмаслигини қўшимча қилди.
Юрий Ушаковнинг айтишича, Россиянинг G20 саммитидаги иштироки «режалаштирилган». «Улар ҳозирча шахсан таклиф қилмоқда, аммо ҳали кўп вақт бор, пандемия ушбу муҳим форумни шахсан ўтказишга имкон беради деб умид қиламан, аммо тахмин қилишга қўрқаман»,— деган Ушаков журналистларга.
G20 саммити Индонезиянинг Бали оролида 2022 йил ноябрь ойида жонли иштирок форматида ўтказилади. Апрель ойида Индонезия расмийлари Владимир Путинни саммитга таклиф қилганликларини эълон қилган, бироқ АҚШ бунга қарши чиққан эди.
Изоҳ (0)