Қийма ва қовоқчадан тайёрланадиган оладе рецепти

Lifehacker нашри тақдим этган навбатдаги ажойиб рецепт мазали ҳамда тўйимли оладедир. Егуликни тайёрлаш учун кўп вақт сарфлаш шарт эмас.

Керакли маҳсулотлар:

• қовоқча — 500 грамм;
• курка гўшти — 300 грамм;
• пиёз — 1 дона;
• ун — 3 ош қошиқ;
• тухум — 1 дона;
• ўсимлик ёғи — 1-2 ош қошиқ;
• кўкат, туз ва зираворлар.

1. Қовоқчани қирғичдан ўтказиб, туз солинади ва суви  чиққунча 5 дақиқага қолдирилади.
2. Сўнгра шарбати сиқиб олинади.
3. Қовоқчага курка қиймаси, тўғралган пиёз, кўкат ва зираворлар солинади.
4. Аралашмага ун ва тухум солиниб яхшилаб аралаштирилади.
5. Ўсимлик ёғи товага қуйилиб, ўртача оловда қиздирилади.
6. Оладелар ҳар икки томони қизаргунга қадар пишириб олинади.