«Халқлар дўстлиги» саройида Ўзбекистонда хизмат кўрсатган артист, марҳум ижодкор Руслан Шарипов хотирасига бағишланган концерт дастури бўлиб ўтди.
Концертда бошловчилик қилган Жавоҳир Зокиров «Дарё» мухбири Феруз Муҳаммадга «Руслан Шарипов вафотидан аввал ёлғиз ва қаровсиз қолиб кетган», деган гап-сўзларга изоҳ берди.
Ҳозир Руслан Шариповни ўрнини босадиган одам йўқ. Ҳамма даврни ўз қаҳрамонлари бўлар экан. Руслан Шарипов шундай хитлар яратган эканки, ҳозиргача унинг қўшиқларини куйлашмоқда. У учун қўшиқлари ҳалигача гапириб турибди.Маълумот учун, Ўзбекистонда хизмат кўрсатган артист Руслан Шарипов 1966 йил 10 сентябрда Самарқанд шаҳрида туғилган. Руслан Шарипов «Болалар», «Байт», «Оргинал», «Садо», «Эски шаҳар», «Ўзбек систем», «Шаҳзод», «Ал вакил», «Сетора», «Ялла», «Бону», «Лайло», «Хўжа», Ўзбекистон халқ артисти Юлдуз Усмонова, Наргиз Зокирова, Равшан Собиров, Аваз Олимов, Дилдора Ниёзова сингари кўплаб мусиқий жамоа ва санъаткорларнинг мега хит тароналари муаллифи ҳисобланади. Руслан Шарипов 2020 йил, 28 июль куни инфарк касали билан вафот этган.Руслан ака билан қанча ёзилмаган қўшиқларимиз қолиб кетди. Руслан Шариповни яккахон концерт дастурини тақдим қилмоқчи бўлган эдик. У ҳам армон бўлди.
Ҳар бир инсон ўз тақдирини ўзи яратади, қилган ишларига ҳам ўзи жавоб беради. «Руслан Шариповни қийин вақтларида унинг ёнида дўстлари турмаган», дейишади, менга ҳам изоҳларда бу ҳақида кўп ёзишди. Лекин Руслан акани ҳеч ким ташлаб қўймаган. Руслан ака қандайдир дарвеш одам эди. Ўзлари ёлғизлик муҳитида бўлмаганларида «Йўқчилик» ёки «Дўст» сингари қўшиқлар яралмас эди. «Ҳеч ким Русланга қарамаган, Руслан ёлғиз қолиб кетган», деган гаплар асоссиз гаплар. Руслан ака ёлғизликни яхши кўрганлар, улар ёлғизликда ижод қилиб, шундай тароналарни ёзганлар.
Уларнинг хотирасига бағишланган концерт дастурида бошловчилик қилиш учун Туркиядаги съёмкаларни қолдириб, етиб келдим.
Жавоҳир Зокиров, актёр, хонанда, режиссёр
Изоҳ (0)