“Noviy ochag” nashri issiq kunlarda ichishni tavsiya etadigan uch xil qahvali salqin ichimliklar retsepti bilan bo‘lishdi.
Yalpiz va shokoladli qahva
Kerakli mahsulotlar:
- yangi pishirilgan tabiiy qahva — 300-350 ml;
- achchiq shokolad — 30-50 gramm;
- yalpiz siropi — 2-4 osh qoshiq;
- qaymoqli muzqaymoq — 100 gramm.
Qahva qaynatib olinadi, shokoladni eritiladi. Aralashmani ozgina sovitishga qo‘yiladi va unga muzqaymoq (50 g), yalpiz siropi, bir necha muz kublari qo‘shiladi. So‘ngra hammasi blenderda aralashtiriladi. Idishlarga quyiladi va maydalangan muz sepib, qolgan muzqaymoq qo‘shiladi. Dasturxonga tortishdan avval kokteylning yuqori qismini yalpiz bargi, maydalangan shokolad, dolchin bilan bezash mumkin.
Holvali qahva ichimlik-deserti
Kerakli mahsulotlar:
- yeryong‘oq holvasi — 100 gramm;
- qaymoq — 100 ml;
- yangi pishirilgan qahva — 200-250 ml
- chinor siropi (yoki yong‘oq) — 20 ml
Avval qahva tayyorab olinadi. Sirop qo‘shilib, ozgina sovitib olinadi. Blenderda holvani qaymoq bilan aralashtirib, qahva qo‘shiladi va yana aralashtiriladi.
Qahvali smuzi
Kerakli mahsulotlar:
- yangi pishirilgan va sovitilgan qahva — 250 ml;
- banan — 1 dona.
- yog‘siz oddiy yogurt — 250 ml
- dolchin — 1/4 choy qoshiq;
- kakao kukuni — 1/2 osh qoshiq;
- qulupnay yoki boshqa rezavorlar — 1 hovuch.
Smuzilar oson tayyorlanadigan ichimliklardir. Bu qahvali smuzi ham bundan mustasno emas. Mahsulotlar bilan qilish kerak bo‘lgan yagona narsa ularni pyure bo‘lguncha aralashtirishdir. Qahvani ertalab sovishini kutmaslik uchun uni kechqurun tayyorlash mumkin. Bananlarni oldinroq muzlatish kerak.
Izoh (0)