Лаваш хамири, пишлоқ ва колбасадан нонушта учун иссиқ егулик тайёрлаймиз

Lifehacker нашри тақдим этган ушбу рецепт жуда фойдали бўлиб, егуликни тайёрлаш учун атиги 15 дақиқа кетади.

Керакли маҳсулотлар:

• қаттиқ пишлоқ — 140 грамм;
• колбаса — 70 грамм;
• лаваш хамири — 1 дона;
• тухум — 1 дона;
• ўсимлик ёғи — 1 ош қошиқ;
• туз.

1. Колбаса юпқа, пишлоқ бироз қалинроқ қилиб кесиб олинади.
2. Лаваш хамири ҳам бир неча тўртбурчакка бўлиб, кесиб олинади.
3. Ҳар бир лаваш бўлагига пишлоқ устидан колбаса ва яна пишлоқ қўйиб чиқилади.
4. Лаваш хамирининг бир учи иккинчи учига қарата ёпилади. Егуликларда худди конверт шакли ҳосил бўлиши керак.
5. Тухум туз билан аралаштирилади.
6. Сўнгра ҳар бир лавашли егулик тухумга ботирилиб, ёғда икки томони қизаргунга қадар қовуриб олинади.