2022 йилнинг май ойида ҳам сўмнинг реал самарали алмашув курси апрель ойига нисбатан қарийб 1,8 фоизга қадрсизланди. Бу ҳақда Марказий банк шарҳидан маълум бўлди.
Реал самарали алмашув курси ташқи савдо айланмаси, инфляция даражаси ва асосий савдо ҳамкорларининг валюта курсларидаги ўзгаришларни акс эттирувчи кўрсаткичдир.
Май ойида реал самарали алмашув курсининг қадрсизланишига асосан савдо-ҳамкор давлатлардаги юқори инфляция даражаси ҳамда валюта курсларидаги турли йўналишдаги ўзгаришлар билан изоҳланади, — дейди Марказий банк.Сўмга бошқа давлатлар валюта курслари ўзгариши таъсир қилади.
Россия рубли май ойида 19 фоизга мустаҳкамланди. Асосий сабаб — савдо баланси.
Қозоғистон тенгеси 5 фоизга мустаҳкамланди. Бу асосан хорижий валютага бўлган талабнинг стабиллашгани ҳамда Россия рублининг мустаҳкамланиши билан изоҳланади.
Турк лираси 6 фоизга қадрсизланди. Инфляциянинг юқори даражада сақланиб қолаётгани ҳамда нефть маҳсулотларнинг қимматлашиши Туркия пул бирлигига салбий босим ўтказмоқда.
Май ойида Хитойда кузатилган пандемиянинг янги тўлқини фонида юань 4 фоизга қадрсизланди.
2022 йил май ойида асосий савдо-ҳамкор давлатларнинг деярли барчасида инфляция кўрсаткичи ўсишда давом этди, — дейилади Марказий банк шарҳида.Мева ва сабзавотлар бозорида нархларнинг мавсумий пасайиши, шунингдек, қурилиш материаллари нархларига босимнинг сақланиб қолаётгани нархларга таъсир кўрсатмоқда.
Қозоғистонда ойлик инфляция 1,4 фоизни ташкил этиб, йиллик ҳисобда 14 фоизга етди. Бунда озиқ-овқат маҳсулотлари йиллик 19 фоизга ўсди.
Туркияда ойлик инфляция 3 фоизга юқорилаб, йиллик ҳисобда 73,5 фоизгача ўсди. Нархлар ўсишига, асосан, ёқилғи ҳамда импорт маҳсулотлари катта ҳисса қўшган.
Шунингдек, мамлакатда ишлаб чиқарувчилар нархлари индекси ойлик ҳисобда 8,8 фоизга ўсиб, йиллик 132,2 фоизга етди.
Изоҳ (0)