Футзал бўйича Ўзбекистон Кубоги ярим финал ўйинлари 3 июнь, жума куни бўлиб ўтди.
Дастлабки ярим финал ўйинида «Пахтакор» «Локомотив» билан баҳс олиб борди. Учрашувда 4:4 ҳисобида дуранг натижа қайд этилди. Пенальтилар сериясида эса «Пахтакор» 6:5 ҳисобида ғалаба қозонди.
Иккинчи ярим финалда «Жиззах Кентекс» «БМБ»га қарши майдонга тушди. Жиззахликлар Даврон Чориев, Фарҳод Абдумавлонов, Элбек Тўлқинов, Аббос Элмуродов ва Анасхон Раҳматовларнинг голи эвазига йирик ҳисобда ғалаба қозониб, финал йўлланмасини қўлга киритди. «БМБ» сафидаги ягона голни Сирожиддин Шакиров ўз ҳисобига ёздириб қўйди.
Шу тариқа «Пахтакор» ва «Жиззах Кентекс» жамоалари Ўзбекистон Кубоги финалида ўзаро тўқнаш келади. Финал баҳси 5 июнь куни «Юнусобод» спорт мажмуасида бўлиб ўтади.
Ўзбекистон Кубоги
Ярим финал баҳслари
3 июнь, жума
Изоҳ (0)