DXX Samarqand viloyati boshqarmasi viloyat IIB hamda prokuratura xodimlari bilan hamkorlikda o‘tkazgan tadbirda Past Darg‘om tumanida hokimlik zaxirasidagi 70 sotix yer maydonini noqonuniy sotish holatiga chek qo‘yildi, deb xabar beradi O‘zA.
Ma’lum qilinishicha, o‘tkazilgan tezkor tadbir davomida Past Darg‘om tumanida yashovchi 54 yoshli M.D. noqonuniy egallab olgan hokimlik zaxirasidagi 70 sotix yer maydonini jinoiy sherigi, shu tumanda yashovchi 50 yoshli B.S. bilan mahalliy fuqaroning nomiga rasmiylashtirib berishni va’da qilgani aniqlangan. Ular buning evaziga furqarodan 65 ming dollar so‘ragan. Ushbu shaxslar kelishilgan mablag‘ning 32 ming dollarini olgan vaqtida jinoyat ustida ushlangan.
Hozirda mazkur shaxslarga nisbatan Jinoyat kodeksining tegishli moddalari bilan jinoyat ish qo‘zg‘atilishi rejalashtirilib, surishtiruv harakatlari olib borilmoqda.
Avvalroq Bo‘stonliqda 1,32 gektar yerni 50 ming dollarga sotishga uringan uch nafar shaxs ushlangani, Samarqandda tuman hokimining soxta qarori bilan qariyb 20 ming dollarga yer sotgan xo‘jalik rahbari aniqlangani, Davlat kadastrlari palatasi Nurobod tuman filiali mutaxassislari 2 mln so‘m pora bilan ushlangani to‘g‘risida xabar berilgandi.
Mavzuga doir:
- Toshkent viloyatida 5 gektar yerni rasmiylashtirib berish uchun 25 ming dollar olgan shaxs ushlandi
- Surxondaryoda qishloq xo‘jaligi yerlarida qurilish ishlarini amalga oshirib, 3,1 mlrd so‘mdan ortiq zarar yetkazgan jamiyat rahbari aniqlandi
- Namanganda fuqaroga fermer xo‘jaligi yerini ajratib berish uchun 15 ming dollar so‘ragan hokim yordamchisi va uning sheriklari ushlandi
Izoh (0)