Бугун,

  • USD 11014.01
  • RUB 191.8
  • EUR 10674.78

Тошкентнинг Миробод туманида йўл таъмирлаш ишлари сабаб бир неча кўчаларда автотранспорт ҳаракати қисман чекланиши ҳақида хабар берилган эди. «Дарё» сўровига асосан пойтахт ҳокимлиги ахборот хизмати таъмирлаш ишлари қачонгача давом этишини маълум қилди.

Режага кўра, қуйидаги ҳудудларда таъмирлаш ишлари олиб борилади:
  • Меҳржон ва Кичик халқа йўли кесишмаси;
  • Кичик ҳалқа йўли ва Авлиё ота кўчалари кесишмаси;
  •  Темир йўлчилар ва Сарикўл кўчалари кесишмаси;
  • Меҳржон ва Сарикўл кўчалари кесишмаси;
  • Ойбек ва Кичик ҳалқа йўли кўчалари кесишмаси;
  • Туркистон ва Кичик ҳалқа йўли кесишмаси.

Фото: Тошкент шаҳар ҳокимлиги матбуот хизмати

Фото: Тошкент шаҳар ҳокимлиги матбуот хизмати

Иш жараёнида йўллар ёпилмасдан, автотранспорт ҳаракати қисман чекланмоқда. Шу сабабли айрим пайтларда йўлларда тирбандликлар юзага келмоқда.

Тошкент шаҳар ҳокимлиги ахборот хизматининг маълум қилишича, қурилиш-таъмирлаш ишларини якунлаш учун 10 кун муддат белгиланган.

«Ушбу йўл қисми шаҳар ҳокимлиги томонидан ташкил этилган ‘Халқ фикри’ гуруҳига аҳолидан келиб тушган таклифлар асосан таъмирланмоқда. Қурилиш ишларини 10 кун ичида якунлаш белгиланган бўлса, қурувчилар 5-6 кун муддатда тугаллашни режалаштирмоқда. Иш узлуксиз кун-у тун олиб борилмоқда», — деди ҳокимлик масъул ходими.

Изоҳ
Асосий янгиликлар