O‘zbekistonda chet elda ishlab chiqarilgan avtomobillarning sotuv hajmi oylar kesimida ma’lum qilindi. Bu haqda Iqtisodiy tadqiqotlar va islohotlar markazi “Daryo”ga ma’lum qildi.
Aprel oyida chet elda ishlab chiqarilgan yengi avtomobillar oldi-sotdisi bo‘yicha shartnomalar soni 1,56 ming donani tashkil etdi, bu esa fevral oyi ko‘rsatkichidan 3,2 foizga kamroqdir.
Chet elda ishlab chiqarilgan avtomobillarning oldi-sotdi shartnomalari aprel oyida o‘tgan yilning avgustidan beri eng past ko‘rsatkichni qayd etdi — 1 189. Oxirgi 16 oy ichida eng yuqori ko‘rsatkich dekabrda qayd etilgan — 2 411. Dekabr oyida “inomarka”lar sotuvi noyabrga qaraganda qariyb ikki barobar oshgan.
Yanvar oyida “inomarka”lar sotuvi 1 506 tani tashkil qilib, o‘tgan yilning shu davriga nisbatan qariyb ikki barobar oshdi. Fevralda bu ko‘rsatkich 1 801 dona bo‘lgan edi. 2021-yilning fevraliga nisbatan o‘sish 2,7 barobar bo‘ldi.
Joriy yilning mart oyida chet elda ishlab chiqarilgan avtomobillarning 1 275 ta oldi-sotdi shartnomalari ro‘yxatdan o‘tkazilgan.
Aprel oyida “inomarka”lar sotuvi pasaygan bo‘lsa, mahalliy ishlab chiqarilgan avtomobillar oldi-sotdisi rekord darajada ko‘paydi.
Yanvar va fevral oylarining o‘zida bu ko‘rsatkich 2021-yilning shu davriga nisbatan 2,1 va 2,2 barobarga oshgan edi. Aprelda esa eng yuqori ko‘rsatkich qayd etildi — 29 451.
Avvalroq prezident Shavkat Mirziyoyev topshirig‘iga ko‘ra import avtomobillari uchun bojxona boji 2 barobarga qisqartirilgani haqida xabar berilgan edi.
Izoh (0)