Бугун,

  • USD 11014.01
  • RUB 191.8
  • EUR 10674.78

Шу кунларда «Браво» жамоаси Қирғизистон, Россия ва Қозоғистон давлатларида концерт дастурларини намойиш этмоқда. Қизиғи шундаки, хориждаги концертларда Шаҳло Зоирова кўринмаяпти. Актриса Наргиза Салмонова жамоа билан хориждаги концертларда иштирок этиб, Шаҳло Зоированинг ролларини ижро этмоқда. Наҳотки Шаҳло Зоирова жамоадан кетган бўлса? Ушбу саволга ойдинлик киритиш мақсадида «Дарё» мухбири Наргизахон Муродова «Браво» кулги жамоасининг концерт ташкилотчиси Абдулазиз Хўжамуродов билан боғланди.

Фото: Instagram / @otabekmirzaholov

Фото: Instagram / @otabekmirzaholov

— Май ойидаги гастрол сафарлари бўйича апрель ойининг сўнгги кунларида аниқ тўхтамга келдик. Шаҳло Зоированинг тўй хизматларини эса одамлар бир неча ой аввал банд қилиб қўйишади. Аслида Шаҳло опам хориждаги концертларга боришни истаганди, аммо шунча тўй эгаларига вазиятни тушунтириш, уларни рози қилиш осон эмас. Кейин хорижликлардан аввал ҳамюртларимизнинг хизматларини қилиш керак, деган тўхтамга келдик. Вазият шуни тақозо қилгани учун Шаҳло Зоирова Тошкентда қолди. Унинг ўрнига Наргиза Салмонова қабул қилинди, — дейди Абдулазиз Хўжамуродов.

Актриса Наргиза Салмонова хориждаги концертлар якунлангач, жамоа таркибидан четлаштириладими ёки ҳамкорликни давом эттирадими? Бу саволимизга ташкилотчи шундай жавоб берди?

— Наргиза Салмонова расман жамоа таркибига қабул қилинди. Энди у ҳам қолган концерт дастурларида иштирок этади. Россиядаги концертлар якунлангач, жамоа Қозоғистонга сафар қилади. Сўнгги концерт 29 май куни Туркистон шаҳрида бўлиб ўтади. Насиб қилса, куз ойида «Браво» жамоасининг 10 кунлик концерт дастури ўтказилади. 10—20 сентябрь кунлари бўлиб ўтадиган концерт дастуримизда жамоамиз тўлиқ таркибда иштирок этади. Концерт чипталари «Халқлар дўстлиги» саройи кассаларида сотилмоқда, — дейди Абдулазиз Хўжамуродов.

Изоҳ
Асосий янгиликлар