Beeline Uzbekistan (VEON халқаро телекоммуникация холдинги таркибига кирувчи) ташаббуси билан «Комплаенс бўйича бизнес» мавзусида биринчи очиқ форум бўлиб ўтди. 100 дан ортиқ иштирокчилар, республиканинг йирик компаниялари вакиллари бизнеснинг ахлоқий мавзусини муҳокама қилишди. Форум маърузачилари сифатида этика ва комплаенс хизмати ходимлари, шунингдек, Beeline Uzbekistan компаниясининг HR ва харидлар бўйича мутахассислари сўз билан чиқишди.
Комплаенс — бу корхоналарга қонунларга риоя қилиш асосида корпоратив стандартларни жорий этиш, шунингдек, ходимларнинг ноқонуний ҳаракатларининг олдини олиш имконини берувчи йўналиш. Комплаенс бўйича мутахассис бизнесдаги коррупция хатарларининг пайдо бўлиши учун ишончли тўсиқ бўлган ўзига хос қалқонга айланади.
Форум иштирокчилари харидлар жараёнида комплаенс таъминлашнинг ўрни, халқаро ташкилотда корпоратив маданиятни шакллантириш каби долзарб масалаларга тўхталди. Биз коррупцияга қарши кураш бўйича илғор воситаларни, комплаенс дастурларини амалга ошириш ва ички текширувлар ўтказиш тажрибасини ўргандик. VEON Group компанияларининг тажрибаси Ўзбекистон иқтисодиётининг турли тармоқлари вакиллари учун жуда фойдали бўлди.
«Биз ушбу тадбирга бир неча ой давомида тайёргарлик кўрдик, дастур иложи борича тўлиқ бўлишини ва маълумотлар самарали комплаенс дастурини ишлаб чиқаётган ёки уни ишлаб чиқиш босқичида бўлган бошқа компанияларнинг ҳамкасблари учун фойдали бўлишини таъминлашга ҳаракат қилдик. Форум иштирокчиларининг бизга берган саволлари менда катта таассурот қолдирди. Бу яна бир бор ушбу соҳани кенг миқёсда ривожлантириш зарурлигини яна бир бор тасдиқлайди», — деди Beeline Uzbekistan’нинг этика ва комплаенс хизмати раҳбари Алина Акчурина.
«Ахлоқий меъёрларга риоя қилиш ҳар қандай компания муваффақиятининг асосий омилидир. Мен Beeline Uzbekistan жамоасига форумни ўтказгани, турли соҳа ва компаниялар вакилларига фикр алмашиш ва энг яхши комплаенс амалиётларини тақдим этиш учун платформа тақдим этгани учун жуда миннатдорман. Бу шунга ўхшаш тадбирларнинг бошланиши бўлсин», — дея шарҳлади VEON гуруҳининг этика ва комплаенс бўйича офицери Гвидо Фибус.
Реклама ҳуқуқи асосида.
Изоҳ (0)