Ўзбекистон президенти Шавкат Мирзиёев Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди Шайх Муҳаммад ибн Зоид Ол-Наҳаённи мамлакат президенти этиб сайлангани билан табриклади.
«Сизнинг сўнгги йилларда Ўзбекистон ва Амирликлар ўртасидаги кўп қиррали ва узоқ муддатли ҳамкорлик алоқаларини ҳар томонлама мустаҳкамлашга қўшиб келаётган беқиёс амалий ҳиссангизни ва кўрсатаётган эътиборингизни катта мамнуният билан эътироф этмоқчиман.
Келгусида ҳам биргаликдаги қатъий интилишларимиз ва доимий мулоқотларимиз натижасида давлатларимиз ўртасида жадал ривожланиб бораётган ўзаро ишонч, юксак ҳурмат ва бир-бирини қўллаб-қувватлаш тамойилларига асосланган шериклигимиз изчил кенгайиб боришига аминман», – дейилади давлат раҳбарининг мактубида.
Аввалроқ Шавкат Мирзиёев БААнинг собиқ президенти Халифа ибн Зоид Ол-Наҳаён вафоти муносабати билан ҳамдардлик йўллаган эди.
Изоҳ (0)