Ўзбекистон Локомотив депоси ҳамда ИИВ Транспортда хавфсизликни таъминлаш бош бошқармаси ходимлари ўз хизмат вазифаларини тезлик билан бажариб, бир инсон ҳаётини сақлаб қолди, деб хабар беради ИИВ Транспорт ва туризм объектларида хавфсизликни таъминлаш департаменти.
Маълум қилинишича, 9 май куни Тошкент—Хўжакент йўналиши бўйлаб ҳаракатланиб кетаётган электропоезд Салар—Нурҳаёт темир йўл бекатлари оралиғида номаълум фуқаро ётгани сабабли фавқулодда тўхтаган. ТХТБ ходимлари уни тезкорлик билан темир йўл изидан олиб, тез ёрдам чақиртирган.
Ҳолат юзасидан суриштирув ишлари олиб борилганида, ушбу фуқаро Сурхондарё вилояти Сариосиё туманида яшовчи С.М. экани, спиртли ичимликни меъёридан ортиқ истеъмол қилиши натижасида маст ҳолатда темир йўл изида ухлаб қолгани аниқланган.
Фуқаро маъмурий суд қарорига асосан Тошкент шаҳар ИИББга қарашли реабилитация марказига жойлаштирилган.
Бундан олдин, Тошкент вилоятида «электричка» темир йўл рельслари орасида ётган маст эркакни туртиб юборгани, Хоразмда темир йўл рельси ёнида ухлаб қолган маст фуқаро сабаб Хива—Тошкент поезди 16 дақиқа тўхтаб қолгани, Самарқандда юк поезди қулоқчин таққан йигитни уриб кетмаслик учун фавқулодда тўхташни амалга оширгани, Самарқанд вилоятида поезд уриб кетиши оқибатида уч киши, жумладан, 8-синф ўқувчиси ҳалок бўлгани тўғрисида хабар берилганди.
Мавзуга доир:
- Тошкент вилоятида наушник тақиб, темир йўл бўйлаб ҳаракатланган фуқарони поезд уриб кетди
- Наманганда наушник тақиб, темир йўл бўйлаб ҳаракатланган 19 ёшли йигитни поезд уриб кетди
- Тошкент вилоятида бир ҳафта ичида наушник тақиб, темир йўл бўйлаб ҳаракатланган икки аёлни поезд уриб кетди. Улардан бири воқеа жойида вафот этган
Изоҳ (0)