O‘zbekiston Lokomotiv deposi hamda IIV Transportda xavfsizlikni ta’minlash bosh boshqarmasi xodimlari o‘z xizmat vazifalarini tezlik bilan bajarib, bir inson hayotini saqlab qoldi, deb xabar beradi IIV Transport va turizm obyektlarida xavfsizlikni ta’minlash departamenti.
Ma’lum qilinishicha, 9-may kuni Toshkent—Xo‘jakent yo‘nalishi bo‘ylab harakatlanib ketayotgan elektropoyezd Salar—Nurhayot temiryo‘l bekatlari oralig‘ida noma’lum fuqaro yotgani sababli favqulodda to‘xtagan. TXTB xodimlari uni tezkorlik bilan temiryo‘l izidan olib, tez yordam chaqirtirgan.
Holat yuzasidan surishtiruv ishlari olib borilganida, ushbu fuqaro Surxondaryo viloyati Sariosiyo tumanida yashovchi S.M. ekani, spirtli ichimlikni me’yoridan ortiq iste’mol qilishi natijasida mast holatda temiryo‘l izida uxlab qolgani aniqlangan.
Fuqaro ma’muriy sud qaroriga asosan Toshkent shahar IIBBga qarashli reabilitatsiya markaziga joylashtirilgan.
Bundan oldin, Toshkent viloyatida “elektrichka” temiryo‘l relslari orasida yotgan mast erkakni turtib yuborgani, Xorazmda temiryo‘l relsi yonida uxlab qolgan mast fuqaro sabab Xiva—Toshkent poyezdi 16 daqiqa to‘xtab qolgani, Samarqandda yuk poyezdi quloqchin taqqan yigitni urib ketmaslik uchun favqulodda to‘xtashni amalga oshirgani, Samarqand viloyatida poyezd urib ketishi oqibatida uch kishi, jumladan, 8-sinf o‘quvchisi halok bo‘lgani to‘g‘risida xabar berilgandi.
Mavzuga doir:
- Toshkent viloyatida naushnik taqib, temiryo‘l bo‘ylab harakatlangan fuqaroni poyezd urib ketdi
- Namanganda naushnik taqib, temiryo‘l bo‘ylab harakatlangan 19 yoshli yigitni poyezd urib ketdi
- Toshkent viloyatida bir hafta ichida naushnik taqib, temiryo‘l bo‘ylab harakatlangan ikki ayolni poyezd urib ketdi. Ulardan biri voqea joyida vafot etgan
Izoh (0)