«2022 йилда кутилаётган сув танқислиги шароитида қишлоқ хўжалиги экинларини сув билан ишончли таъминлашга қаратилган кечиктириб бўлмайдиган чора-тадбирлар тўғрисида»ги Вазирлар Маҳкамаси қарори қабул қилинди.
Қарор билан 2022 йил ёзги суғориш мавсумида кутилаётган сув танқислигининг салбий таъсирини юмшатиш ҳамда мавжуд сув ресурсларидан самарали фойдаланиш тадбирларини мувофиқлаштириш бўйича республика ишчи гуруҳининг таркиби тасдиқланган.
Ҳужжат билан:
- Қорақалпоғистон Республикаси ва вилоятларда қишлоқ хўжалиги экинларини суғориш учун сув олиш лимитлари;
- 2022 йил ёзги суғориш мавсумида кутилаётган сув танқислигининг салбий таъсирини юмшатиш ва мавжуд сув ресурсларидан самарали фойдаланиш тадбирларини мувофиқлаштириш бўйича Республика ишчи гуруҳи таркиби;
- Сув хўжалиги вазирлиги тизимидаги ташкилотлар томонидан насос станциялари ва вертикал суғориш қудуқларини ишлатиш учун 2022 йилда сарфланадиган электр энергияси миқдори;
- 2022 йилда амалга ошириладиган ирригация тизимлари ва улардаги гидротехника иншоотларини, насос агрегатлари ва суғориш қудуқларини таъмирлаш-тиклаш ва қуриш ишлари режаси тасдиқланган.
- Сув омборларидаги сув ресурсларидан фойдаланишни тўлиқ назоратга олиш, айниқса, йирик сув омборларидан сув чиқариш ва насос станцияларидан фойдаланишни қатъий равишда Қорақалпоғистон Республикаси Вазирлар кенгаши раиси ва вилоятлар ҳокимларининг аниқ ҳисоб-китобларига асосланган талабномалар бўйича амалга ошириш;
- Мавжуд суғориш ва коллектор-дренаж тармоқларининг мавсумга шайлигини таъминлаш билан боғлиқ барча тадбирларнинг бажарилиши бўйича қатъий мониторинг олиб бориш тизимини йўлга қўйиш;
- Экин майдонларининг мавжуд инфратузилмасини ҳисобга олган ҳолда, электр энергияси ва сув билан узлуксиз таъминлаш имкониятидан келиб чиқиб, сувни тежайдиган суғориш технологияларининг «бир канал — бир тизим» тамойили асосида жойлаштирилишига эътибор қаратиш;
- Суғориш мавсуми давомида ҳар ўн кунда сув ресурсларидан самарали фойдаланиш ҳолатини танқидий ўрганиш ҳамда бу борада мутасаддилар ва ҳудудлар раҳбарларининг ҳисоботларини эшитиб бориш.
Аввалроқ Ўзбекистонда 2050 йилга бориб сув танқислиги беш баробарга ошиши маълум қилинганди.
Изоҳ (0)