Урушнинг етмиш бешинчи куни якунига етди. Россия Иккинчи жаҳон урушидаги Ғалаба кунини нишонлади — Қизил майдонда парад бўлиб ўтди, унда Владимир Путин бутун нутқини Украинадаги босқинни оқлашга бағишлади. Мамлакат бўйлаб болалар иштирокида «Мактабгача ёшдаги болалар парадлари» ва бошқа акциялар ўтказилди. Украинада ҳалок бўлган аскарларнинг яқинлари «Ўлмас полк»нинг йиллик маршида иштирок этди. Украина Европа Иттифоқига аъзоликка номзод мақомини олиш учун зарур бўлган сўровноманинг иккинчи қисмини тўлдириб, тақдим этди. Россия қўшинлари Одесса ва Одесса вилоятини ўққа тутишда давом этмоқда. Meduza 9 май суратларини жамлади.
Мариупол
Россия қўшинлари босиб олган Мариуполнинг чекка ҳудуди. 9 май куни шаҳарда 300 метрлик Георгий лентаси билан тантанали кортеж бўлиб ўтди. Мариупол мерининг маслаҳатчиси Пётр Андрюшченконинг таъкидлашича, шаҳар аҳолиси акцияда иштирок этмаган, унга Новоазовск ва Донецкдан кўнгиллилар жалб қилинган.Фото: AFP
Киев
Киевлик аёл Иккинчи жаҳон урушидаги Ғалаба куни шарафига Номаълум аскар қабрига гул қўймоқда. Ёдгорлик ўқлардан ҳимоялаш учун қум қоплари билан ўралган.Фото: AP Photo
Черковда 36 ёшли кўнгилли Александр Маховнинг дафн маросими ўтказилмоқда. Урушдан олдин Александр журналист бўлиб ишлаган ва блог юритган. Харьков вилоятидаги Изюм шаҳри учун кечган жангларда у ўққа тутилиб ҳалок бўлган.Фото: AP Photo
Лисичанск яқинидаги нефтни қайта ишлаш заводини ўққа тутишдан кейин кўтарилган тутун. Шаҳар учун кураш давом этмоқда.Фото: AFP
41 ёшли Артём Черуха Лисичанскдаги жанглар туфайли сув ўчганидан кейин булоқдан сув олмоқда. Худди шу манбадан Иккинчи жаҳон уруши пайтида маҳаллий аҳоли фойдаланган.Фото: AFP
Луганск вилоятининг Попасная шаҳридаги фронт дала госпиталида украиналик ҳарбий шифокор операция хонасининг полини ювмоқда.Фото: Getty Images
Ҳарбий шифокорлар ярадор украиналик аскарни Попасная яқинидаги фронт дала госпиталига олиб боришга тайёрламоқда.Фото: EPA
Украиналик аскар фронт госпиталидаги хонасида дам олмоқда.Фото: EPA
Украина ҳарбийлари ярадор қуролдошини олиб келмоқда, Донецк вилояти.Фото: AP Photo
Изоҳ (0)